Policia spanjolle ka sekuestruar rreth 7 tonë kokainë, duke e konsideruar këtë ngarkesë si më të madhen deri më sot.
Operacioni u realizua më 27 dhjetor, kur policia zbuloi dy varka të dyshimta me shpejtësi të lartë pranë lumit Guadalquivir, të cilat transportonin drogën.
Pas ndjekjes ajrore, detare dhe tokësore, ngarkesa u transportua në një pronë në provincën e Seviljes, ku u gjetën dy kontejnerë të fshehur nën tokë.
Përveç kokainës, u sekuestruan tre armë zjarri, përfshirë një AK-47 dhe dy automjete të vjedhura. Tre persona janë arrestuar dhe hetimet vazhdojnë.
Ky operacion është një goditje e rëndësishme për rrjetet e trafikut të drogës që operojnë përgjatë lumit Guadalquivir, një rrugë kyçe për hyrjen e lëndëve narkotike në Evropë.
Komento
Komente
