Me zgjedhjen e kupolës së re drejtuese të Partisë Demokratike është identifikuar edhe lista e të përjashtuarve nga ekipi i Lulzim Bashës, i cili do të përballet me sfidën e zgjedhjeve lokale, ndërsa do të udhëheqë edhe aksionin e ri politik kundër qeverisë ‘Rama’. Shumica e përjashtimeve janë vullnet i Lulzim Bashës, një pjesë është ‘djegur’ për shkak të parashikimit të statutit për kuotën e grave dhe të tjerët kanë mbetur jashtë kupolës drejtuese sepse nuk kanë marrë mbështetje me votë nga Këshilli Kombëtar. Ervin Salianji, Aldo Bumçi, Roland Bejko, Gerti Bogdani dhe Luçiano Boçi morën mbështetje me votë nga Këshilli Kombëtar i PD për t’u bërë anëtarë të Kryesisë, por vendin e tyre zunë 5 gra për shkak se statuti i PD parashikon që 30 % e Kryesisë duhet të janë domosdoshmërisht femra.
Humbës, jashtë ekipit të Bashës
Nuk kanë marrë mbështetjen me votë nga Këshilli Kombëtar për t’u bërë anëtarë të Kryesisë së PD, duke mbetur kësisoj jashtë kupolës drejtuese, eksponentë të rëndësishëm të kësaj partie, por njëherësh edhe mbështetës të Lulzim Bashës. Konkretisht, nuk janë mbështetur mjaftueshëm nga Këshilli Kombëtar i PD Genc Pollo, Gent Strazimiri Agron Shehaj, Klevis Balliu, Valentina Duka, Xhemal Gjunkshi, Rudina Hajdari, Tritan Shehu etj. Përmes këtij votimi, Këshilli Kombëtar i ka dhënë një sinjal Lulzim Bashës edhe sa i takon kandidimit të tyre në listat për deputetë në zgjedhjet parlamentare të 2021.
Kundërshtarët e përjashtuar
Është përjashtuar përfundimisht e ashtuquajtura garda e vjetër e Partisë Demokratike që nga Jozefina Topalli, Eduard Selami, Arben Imami, Ridvan Bode, Astrit Patozi, Majlinda Bregu, Genc Ruli, Myqerem Tafaj, Igli Cara etj. Gjithashtu, nuk janë kandiduar as për poste drejtuese dhe as për anëtarë të Kryesisë së PD edhe një grup tjetër, i cili i kërkoi dorëheqjen Bashës pas humbjes së zgjedhjeve parlamentare, ku përfshihen Suzana Guxholli, Endira Bushati, Valbona Mezini, Edith Harxhi, Edvin Kulluri, Fabian Topollaj, Julian Deda, Gjergj Lezhja etj. Të dy grupet janë përjashtuar me vullnetin e Lulzim Bashës.
Asnjë post në PD, reagon Salianji
Deputeti Ervin Salianji nuk është kandiduar për asnjë post drejtues në Partinë Demokratike. I pyetur për këtë përjashtim, Salianji u shpreh se nuk janë funksionet ato që japin kontributin. “Nuk kanë rëndësi funksionet për të kontribuar. Por duhet thënë që shërbejnë për të rritur më shumë kontributin. Nuk u zhgënjeva edhe pse nuk e pashë emrin në asnjë post drejtues. Lajmi të mbetet vetëm tek protesta, gjithçka që flitet për njerëzit e pakënaqur nuk janë të vlefshme. Kryesia e PD-së do të merret me organizmin e protestës. Ekipi në një parti të modelit një anëtar, një votë është përgjegjësi e kryetarit të partisë. Nuk kanë rëndësi funksionet për të kontribuar! Sot lajmi nuk është ekipi, por protesta, protesta që nuk duhet të përfundojnë pa largimin e Ramës, është lajm i mirë që do të ketë një ekip që do të marrë përgjegjësi për çdo aksion të nisur dhe të përfunduar apo të nisur dhe të lënë në mes. Thashë dhe që përgjegjësi për aksionet e nisura e mban ekipi. Nuk ka rëndësi me top apo pa top, me intrigë, apo pa intrigë, unë luaj me zemër. Nuk kanë asnjë rëndësi funksionet drejtuese unë jam kandidat për kryesinë e PD dhe anëtar i PD-së. Kjo nuk ndikon unë do vazhdoj të punoj fuqishëm, por tani nuk ka rëndësi kjo vëmendja duhet të përqendrohet te protesta”, tha Salianji.
Mbetën jashtë ekipit të Bashës
Ervin Salianji
Aldo Bumçi
Roland Bejko
Gerti Bogdani
Luçiano Boçi
Humbës, jashtë ekipit të Bashës
Genc Pollo
Gent Strazimiri
Agron Shehaj
Fatbardh Kadilli
Klevis Balliu
Valentina Duka
Xhemal Gjunkshi
Rudina Hajdari
Tritan Shehu
Të përjashtuar, i kërkuan dorëheqjen Bashës
Keltis Kruja
Suzana Guxholli
Endira Bushati
Valbona Mezini
Edith Harxhi,
Edvin Kulluri
Fabian Topollaj
Julian Deda
Gjergj Lezhja
Besnik Mustafaj
Sherefedin Shehu
Kozma Dashi
Ferdinand Shehu
Roland Keta
Dashnor Sula
Shaban Memia
Bedri Mihaj
Vasillaq Ngresi
Ndue Paluca
Ilir Krosi
Garda e vjetër e përjashtuar
Jozefina Topalli
Eduard Selami
Arben Imami
Ridvan Bode
Astrit Patozi
Majlinda Bregu
Genc Ruli
Myqerem Tafaj
Igli Cara
Komente
po Muli Geringun e pd-se pse nuk e perjashtuat apo ju duhete te beje garipin ne sallen e Kuvendit, fytyre e urryer,,
PërgjigjuEdmond Spaho trumcaku i PD ne oren 21 oo ka cuar nje list ne cdo deg te partis dhe ne i themi ta gezosh Baftiar listen
Përgjigjupo jemin gjana te elita qe do sjelli ndryshimin te pd eshte ee, new entry hahaha
PërgjigjuMond Spaho. me listen e tij qe shperndau kryetateve te degve na kenaqi
Përgjigju