Speca të mbushur me mish të grirë dhe oriz nga zonja Vjollca

Në këtë hapësirë të faqes tonë do të gjeni mënyrën e përgatitjes së recetave  të gatimit të ideuara nga Zonja Vjollca. Këto receta Zonja Vjollca i gatuan çdo ditë në emisionin Rreze Dielli nga ora 08 : 45 – 10 : 00. 

26 Maj 2020, 10:51| Përditesimi: 26 Maj 2020, 10:53

  • Share

Speca të mbushur me mish të grirë dhe oriz

Përbërësit:

1 kg speca

500 gr mish të grirë

2 qepë

2-3 domate

1 lugē supe oriz për çdo spec

Krip dhe piper të zi

1 lugë çaji nenexhik

2 karrota

Vaj ulliri

Përgatitja

Pastrojmë specat duke larguar farat e tyre. Në një tigan me 3-4 lugë gjelle vaj ulliri mund të kaurdisim vetëm pak qepën, sa të ulë volumin( pa I dhënë ngjyrë), dhe ky process I qepës është opsional. Në tas pëgatisim mbushjen duke vendosur mishin e grirë të pa gatuar, qepën karrotën të grirë në rende ( nga ana më e trashë) dhe domaten të qëruar dhe të prerë në kubikë të vegjël si dhe orizin e shpëlarë për cdo spec një lugë supe, p.sh 10 speca e barabartë me 10 lugë supe oriz, kripë, piper të zi, nenexhik ( I thatë). Lyejmë tepsinë me vaj, vendosim specat e mbushur, I spërkasim sipër me pak vaj dhe pak fare kripë dhe I vendosim në furrë në temperaturë 190 gradë Celsius për 35-40 min. Nuk I hedhim ujë pasi mishi dhe perimet do të nxjerrin ujin e tyre.

D.M./ReportTv.al
Komento
  • Sondazhi i ditës:

    Vrasja e 14 vjeçarit, çfarë duhet të bëjë Shqipëria me TikTok e Snap Chat?