Ndërkohë që flasim për ndryshime, edhe gjuha, sigurisht ndryshon, ashtu si dhe perceptimi i njerëzve për të dhe për kohët.
Por, në ç’mënyrë e shkuara formëson atë që ne jemi dhe i jep formë edhe realitetit tonë gjuhësor? Çfarë mund të themi lidhur me gjuhën shqipe dhe atë çfarë flitet sot për vjetërsinë e saj? A mund të flasim për një krizë albanologjike dhe në ç’mënyrë mund të dalim nga kjo krizë?
Për më tepër, ndiqni në “Report TV” bisedën e gazetares Blerina Goce me studiuesin Ardian Vehbiu, ku ai rrëfen diçka edhe për librin e tij të fundit, "Përrallëtarët e Gjuhës Shqipe" me botues Naim Zoto (shtëpia botuese "Naimi").
Dy fjalë për Ardian Vehbiun
I diplomuar në Tiranë për gjuhë-letërsi shqipe në Fakultetin Histori-Filologji të Universitetit të Tiranës, Ardian Vehbiu ka studiuar më vonë edhe gjuhësi historike dhe teorike në Romë (Universiteti “La Sapienza”) dhe ka punuar në Institutin e Gjuhësisë dhe të Letërsisë të Akademisë së Shkencave, si dhe në Institutin Oriental të Napolit.
Studiues, shkrimtar dhe eseist, anëtar i jashtëm i Akademisë së Shkencave të Shqipërisë, Vehbiu ka botuar një numër të madh librash dhe artikujsh, në shqip dhe në gjuhë të tjera, mes të cilave edhe në lëmin e gjuhësisë.
