Për të frenuar largimin e bluzave të bardha nga vendi, qeveria përgatiti një projektligj, i cili u miratua në korrik, dhe citonte se studentët të cilët do të nisnin në muajin tetor 2023 Universitetin për Mjekësi, do të duhet të punojnë 5 vite pasi të kenë përfunduar studimet në Shqipëri, e më pas ta pajisen me diplomë.
Por vendimi nuk u mirëprit aspak mirë nga studentët, të cilët të bashkuar u ngritën menjëherë në protesta. Çështjen e dërguan edhe në Gjykatën Kushtetuese e cila tashmë e ka pezulluar ligjin.
Të lehtësuar që beteja e tyre në një farë mënyre është fituar, dy studentët e mjekësisë, Zino Veleshnja dhe Reant Kullaj tregojnë momentet e para kur ligji për mbajtjen e diplomës u bë publik, si u organizuan për protestat dhe hapat që do të marrin në vijim, nëse ligji nuk do të shfuqizohet plotësisht.
Të rinjtë, student të mjekësisë së përgjithshme, njëri në vitin e katërt dhe tjetri në të pestin, tregojnë pse zgjodhën këtë degë dhe se ëndrrat e tyre për të ardhmen lidhen vetëm me të shërbyerin në Shqipëri. Madje, ëndrra e 25-vjeçarit Reant Kullaj, me origjinë nga Tirane, është që për disa vite të shërbejë në zona rurale të vendit.
Komente
Thirrje studente e te mjekesise:-nga inati shkoni dhe studio i jashte Shqiperise,ne Itali,Gjermania,France,Hollander,etj.Keto universitete i pershtaten cilesise dhe vullnetit tuaj per studim.Braktiseni qe tani Shqiperine.Mundesite i keni te medha.Diplomohunni dhe punoni atje
PërgjigjuKeta jane ne shkolla publike ku gjith populli paguan taksa,nqse nuk i duan keto kushte le te shkojne ne shkolla private.
Përgjigju