Sezoni veror ka nisur dhe pikënisja për çdo turist që kërkon të bjerë në gjurmët e njohjes së historisë e Shqipërisë, janë muzetë në Kryeqytetin shqiptar. Tirana ofron mbi 8 muze intrigues, që të ndarë në periudha historike mes tyre në axhendën e një turisti nuk mund të mungojë:
1.Muzeu Historik Kombëtar
2.Muzeu Arkeologjik Kombëtar
3.Shtëpia e Gjetheve
4.Bunk Art 1
5.Bunk Art 2
6.Muzeu i Shkencave të Natyrës
7.Muzeu i Bankës së Shqipërisë
8.Muzeu i Grave në Tiranë
9.Shtëpia Studio e Kadaresë
Report Tv, ka nisur një cikël reportazhesh mbi muzetë ku historia vjen e shkruar në objekte dhe gjurmët e mbetura në shekuj, të së kaluarës së vendit tonë. Ne e kemi filluar episodin e parë, me Muzeun Historik Kombëtar si pasaporta më e mirë e njohjes së identitetit tonë kombëtar.
Turistët e huaj, vendas, por edhe banorët e kryeqytetit që janë të interesuar të njihen me periudha të ndryshme të historisë së Shqipërisë, e kanë këtë mundësi pasi Tirana ofron disa muze.
Ne do ta nisim me atë më të rëndësishmin Muzeun Historik Kombëtar, që ndodhet në qendër të kryeqytetit.
Historia e Shqipërisë në epoka të ndryshme që nga periudha e Antikitetit e Mesjetes, Rilindjes, Pavarësisë, Luftës Antifashiste Nacional Çlirimtare, e deri tek periudha e errët e sistemin komunist janë ato që vijnë të dokumentuara në 8 pavione në Muzeun Historik Kombëtar.
Pjesë e trashëgimisë kulturore janë mbi 6500 objekte artefakte që ruhen sot në ambientet e Muzeut Historik Kombëtar të cilat i përkasin një periudhe të gjatë kohore, duke filluar nga mijëvjeçari IV para Krishtit dhe deri në gjysmën e dytë të shekullit XX.
