Pak emocione, vetëm një touchdown por në fund fitojnë gjithnjë New England Patriots. Në edicionin e 53-të të finales së madhe të Super Bowl në Atlanta të Shba-së New England Patriots fitojnë 13-3 ndaj Los Angeles Rams dhe fitojnë për herë të gjatë Super Bowl-in.
Gjashtë triumfe për Patriots ashtu si edhe për sportistin Tom Brady që gjithmonë e më shumë shndërrohet në një legjendë të këtij sporti. Një paraqitje spektakolare ka bërë Julian Edelman që është zgjedhur edhe si lojtari më i mirë i finales ndërsa ka zhgënjyer Jared Goff.
41 vjeçari Tom Brady i emocionuar pas finales ka thënë :” Ishte një vit i pabesueshëm ku kemi luftuar shumë. Kundërshtarët luajtën shumë mirë dhe kishin një mbrojtje të jashtëzakonshme duke na e bërë më të vështirë” e mbyll Brady. Spektakël pati edhe përpara fillimit të finales ku himni amerikan u këndua nga këngëtarja Gladys Knight.
