Pas deklaratave të forta të delegacionit të PE-së drejtuar opozitës shqiptare për protestat e dhunshme dhe bojkotin, kanë ardhur edhe reagimet nga shumica. Kryeministri Rama thotë se nuk ndjen asnjë gëzim për qëndrimin e ashpër në bllok të europarlamentarëve kundër opozitës, e cila u largua nga fusha e logjikës demokratike.
Taulant Balla ka deklaruar se Partia Socialiste ka mirëpritur qëndrimin e parlamentarëve europianë, ndërsa ministrja e Shtetit për Marrëdhëniet me Parlamentin, Elisa Spiropali deklaroi se deklaratat e PE-së u dhanë fund pretendimeve të opozitës për qeveri tranzitore.
Ndërkombëtarët dolën jo vetëm kundër mjeteve të përdorura nga opozita (djegia e mandateve dhe dhuna), por edhe kundër kauzës së tyre (vjedhja e votave) dhe kundër kërkesave të tyre (qeveri tranzitore dhe zgjedhje të parakohshme) (lexo ketu).
Kryeministri Edi Rama ka reaguar pas qëndrimit të fortë të delegacionit të Parlamentit Europian kundër opozitës. Kreu i qeverisë thotë se nuk ka asnjë gëzim për qëndrimin e ashpër dhe në bllok të eurodeputetëve (lexo ketu).
"Asnjë gëzim për qëndrimin e ashpër në bllok të europarlamentarëve,kundër arratisë së opozitës parlamentare nga detyra dhe fusha e logjikës demokratike! Çfarë sikleti kur mendon se sa më keq se sa thonë u duket atyre, kjo shfaqje brutale dritëshkurtësie ndaj njerëzve e vendit" deklaron Rama.
Ministrja e Shtetit për Marrëdheniet me Parlamentin, Elisa Spiropali ka dalë në një deklaratë për shtyp pas përmbylljes së konferencës së deputetëve europarlamentarë. Ajo deklaroi se kjo konferencë i dha fund pretendimeve të opozitës për qeveri tranzitore. Sipas Spiropalit parlamenti dhe qeveria janë zgjedhur me votë dhe rezultati i zgjedhjeve është i padiskutueshëm.
"Sipas tyre, Shqipëria qenka shtëpia e shqiptarëve dhe miqtë dhe partnerët e këtij vendi qënkan turistë me vështrim të mjegulluar. Gjynah vërtetë, gjynah sepse Shqipëria dhe shqiptarët nuk e meritojnë këtë shfaqje konfliktualiteti dëmtues për hir të karrierës së Bashës që i trembet humbjes së zgjedhjeve të radhës. Për hir të frikës nga drejtësia që ka udhëheqja e opozitës.
Eurodeputetët kanë kuptuar mirë çdo progres të vendit, ata e dinë se ne kemi shumë për të bërë, por nuk impresionohen nga propaganda e çartur opozitare dhe nga fabulat mediatike me skandale dhe përmbysje imagjinare.
Delegacioni i tyre foli troç fare, duke rrënuar pikë për pikë çdo pretendim absurd për qeverira tranzitore, parlamente jo legjitime. Ata nënvizuan nevojën për vazhdimin e jetës parlamentare dhe zëvendësimin ligjor të të arratisurve, duke ndarë me publikun disa të vërteta të thjeshta.
Parlamenti dhe qeveria janë zgjedhur me votë dhe problematika e zgjedhjeve nuk e ve në asnjë diskutim rezultatin e tyre", deklaroi Spiropali.
Kreu i Grupit Parlamentar të Partisë Socialiste, Taulant Balla ka deklaruar se Partia Socialiste ka mirëpritur përfshirjen e keloegëve europianë për bindjen e opozitës të tërhiqet nga ky skenar politik dhe aktet e dhunës. Balla gjithashtu tha se PE i kërkoi vijuesve të listës së kandidatëve për deputetë të pranojnë mandatin që i ka dhënë populli.
Balla deklaroi se PE mbështeti hapjen e negociatave për Shqipërinë dhe Maqedoninë.
Postimi i plote i Balles
Komente
Reformën në drejtësi sa mē parë z.Kryeministër!
PërgjigjuVeprimet e opozites jan akte te pastra tradhetie ndaj popullit, e kan krijimin e SPAKU-t si shpata e demokleut. Une propozoj qe hollandezin mos ta quajm me Lulzim Basha po Hamza Basha
PërgjigjuNdaj cdo kujt q1e,synon te prsih rendin dhe then ligjin, te zbatohet ligji dhe reni.te ngjithe te barabart para ligjit.Kush synon te demton shtetin dhe popullin shqiptare,gjithe shqiptaret I ka ne kundershtare.Shqiperia e shqiptarevet!Atdheu dhe populli mbi te gjitha!
Përgjigju