Foto: Elisa Spiropali
Kryetarja e Kuvendit Elisa Spiropali ka uruar qytetarët për 1 Majin, Ditën Ndërkombëtare të Punëtorëve.
Ajo shprehet se puna e denjë është themeli i një shoqërie të drejtë, prandaj edhe Kuvendi do të angazhohet më tej të përmirësojë kushtet e punës, veçanërisht në në sektorët e prodhimit.
Mesazhi i plotë:
1 Maj, Dita Ndërkombëtare e Punëtorëve. Respekt e mirënjohje për punëtoret dhe punëtorët shqiptarë, që çdo ditë, me përkushtim e sakrificë, mbajnë gjallë ekonominë, kujdesen për familjet e tyre dhe ndërtojnë një Shqipëri europiane, më të zhvilluar, më solidare.
Puna e denjë është themeli i një shoqërie të drejtë.
Prandaj Kuvendi i Shqipërisë është i angazhuar të mbështesë:
Rritjen e pagave dhe ngushtimin e dallimeve e të pabarazisë;
Përmirësimin e kushteve të punës dhe të sigurisë, sidomos në sektorët e prodhimit;
Forcimin e mbrojtjes ligjore të punëtorëve;
Përfshirjen më të madhe të vajzave dhe grave në tregun e punës;
Zgjerimin e hapësirave për punësimin e të rinjve, për të ndërtuar jetën dhe të ardhmen e tyre në Shqipëri.
Lajmi kryesor:
Sot 1 Maji, Dita Ndërkombëtare e Punëtorëve, si lindi dhe historiku i saj! 1.3 mln të punësuar në Shqipëri
Xh.K/ReportTv.al
