TIRANË- Zëdhënësja e qeverisë, Elisa Spiropali i ka uruar suksese Këshillit të ri Bashkiak të qarkut të Tiranës për mandatin e ri. Në reagimin e saj për mediat, Spiropali shkruan se tani është koha për më shumë bashkëpunim, duke theksuar se "kanë rënë muret donkishoteske", referuar këtu raportit të OSBE që njohu zgjedhjet e 30 qershorit.
"Suksese Këshillit të Qarkut Tiranë, në këtë mandat të ri! Bashkë me Taulantin, Ervinin dhe deputet e PS për Qarkun e Tiranës ndoqëm takimin hapës ku u zgjodh dhe Kryetari i ri i Këshillit. Me rënien e mureve donkishoteske me #30Qershor, tashmë më shumë zhvillim dhe bashkëpunim midis Bashkive të Qarkut, për t’u bërë ballë sfidave të reja BASHKË!
Urime Aldrin Dalipit për rikonfirmimin si Kryetar i Këshillit, të bindur që me përgjegjshmëri dhe energji do vazhdojë të bëjë punën më të mirë për banorët e këtij qarku", shkruan Spiropali.
Postimi i plotë i ministres Elisa Spiropali
Komente
