Sportistja hungareze në not, Liliana Szilagi ka denoncuar publikisht nëpërmjet rrjeteve sociale babanë e saj se ka abuzuar seksualisht me të që në moshë të vogël dhe ushtruar vazhdimisht dhunë fizike e psikologjike. Zoltan Szilagi, babai i sportistes, është avokat dhe trajneri noti për fëmijët, ndërsa akuzat ndaj tij nga e bija kanë qenë tepër të rënda. Liliana Szilagi shprehet se me shumë mundësi do ketë njerëz që nuk do e besojnë, por për të ajo periudhë e errët e fëmijërisë është një kapitull i mbyllur tashmë dhe se lidhjen e të atin i ka ndërprerë që në 2016.
“Jam abuzuar. Pas 25 vitesh jam gati të them fjalët më të ashpra që kam thënë ndonjëherë. Pas gjithë dhimbjes dhe mundimit dhe me sa di është një temë shumë përçarëse, do të flas për këtë sepse e ndjej se është vërtet e nevojshme. Jam abuzuar. . Dhe nga një njeri nga i cili duhet të kisha marrë dashurinë dhe pranimin më të madh. Babai im ka abuzuar edhe më parë, fizikisht. Shpirtërisht, seksualisht, që nga fëmijëria. Në mënyrë konstante dhe të paparashikuar, kurdo që e shihte ai të arsyeshme, ai argëtohej duke ushtruar fuqinë që kishte mbi mua. Qoftë kjo nëpërmjet dhunës fizike, kërcënimit, duke mohuar dashurinë dhe vëmendjen prindërore apo nëpërmjet abuzimit seksual”, shkruan sportistja.
Liliana Szilagyi, një medaliste në notin evropian në Glasgoë (Skoci), në vitin 2016, zbuloi përmes një rrëfimi tronditës vitet e torturës psikologjike, fizike dhe seksuale për të cilat ajo akuzon babanë e saj si fajtor. Liliana thotë se ishte një "kukull e përsosur" në duart e babait të saj.
“Kuptova se po jetoja një iluzion të përsosur. Në këtë botë, unë isha vetëm një mjet, një kukull e përsosur. Të gjithë e kanë parë të na rrahë në shtëpi. Ne e mbrojtëm atë dhe veprimet e tij, sepse nëse nuk do ta bënim, ai do të kishte bërë gjëra të patregueshme dhe të paimagjinueshme si rezultat. Mund të jetë sepse ai ngadalë nënvlerësoi personalitetet tona, duke na grabitur ndërgjegjen dhe emocionet tona”, vijon rrëfimi i saj.
Krahas abuzimit seksual që përjetoi, Liliana tregoi gjithashtu se edhe nëna e saj vuante nga abuzimi, duke raportuar tmerrin që jeton çdo ditë brenda katër mureve.
“Unë jetoja brenda një guaske ku mendova se ishte normale. Aty ku mamasë i binte të fikët para meje nëse babait tim nuk i pëlqente diçka që ajo thoshte apo bënte. Në vitin 2016, pas Kampionatit Evropian, i ndërpreva lidhjet me babin dhe që atëherë më quajtën një vajzë të çuditshme që nuk u kuptua kurrë. Nga kjo disa njerëz nuk do të më besojnë dhe disa do të më urrejnë. Babai im me siguri do të ketë një përgjigje për këtë. Babai im është Dr. Zoltan Szilagy, i cili është një avokat i pasur, i arsimuar dhe trajner noti që punon me fëmijët. Askush me siguri nuk do të jetë në gjendje të besojë se kush është ai pas dyerve të mbyllura”, shkruan sportistja.
