Një vendim i rëndësishëm për masakrën e Srebrenicës në vitin 1995 ka ardhur këtë mëngjes nga Gjykata e Lartë e Hagës mbi përgjegjësitë e kufizuara por të deklaruara të gjykatës, në lidhje me forcat paqeruajtëse ndërkombëtare holandeze
Përgjegjësia e paqeruajtësve holandezë në masakrën e Srebrenicës, është përkufizuar si "shumë e kufizuar" nga gjyqtari Kees Streefkerkdai, por po sipas tij, ajo është ende një "përgjegjësi", që përfshin gjithashtu qeverinë e atëhershme holandeze, të kryesuar nga kryeministri Wim Kok dhe zyrtarët e lartë ushtarakë.
Ajo që ndodhi në vitin 1995, ishte ndoshta më i tmerrshme i krimeve të kryera në luftërat që nisi njeriu i atëhershëm i Beogradit, nacionalisti panserb dhe rusofil Slobodan Millosheviç.
Ditën e masakrës, veprimet ushtarake nga forcat e armatosura të serbëve të Bosnjës ishin të udhëhequra nga gjenerali Ratko Mlladiç dhe Radovan Karaxhiç.
Mlladiç pasi rrethoi mori qytetin Srebrenicë me shumicë muslimane, hyri në negociata me komandën e trupave holande nën drejtimin e gjeneralit Ton Karremans dhe arriti ta bindë atë të dorëzojë 350 civilë boshnjakë myslimanë që kishin kërkuar mbrojtje nga ushtria holandeze.
Pas kësaj marrëveshje, civilë boshnjakë ranë pre e zjarrit të forcave serbe.
Sipas vendimit të gjykatës, edhe pse ushtarakët holandezë “nxorrën me duart e tyre” para plumbave qindar të pafajshëm, Holanda është përgjegjëse vetëm për 10% të të vrarëve nga ushtria serbe.
"Probabiliteti është 10% - shkruhet në vendimin e gjykatës – “dhe për këtë arsye përgjegjësia e shtetit holandez për dëmtimin e të afërmve është 10%".
Në vitin 2017 Gjykata e Apelit kishte deklaruar se shteti holandez ishte përgjegjës për 30%.
Komente
