Pesë vite nga shkarkimi me vendim të formës së prerë nga Kolegji i Posaccëm i Apelimit, Antoneta Sevdari do të rivlerësohet nga vettingu, ndërkohë që zyrtarisht nuk është më e përjashtuar nga sistemi i drejtësisë. Vetë KPA (Kolegji i Posaçëm i Apelimit) vendosi këtë të hënë prishjen e vendimit të vet të marrë më 28 shkurt 2019 për Sevdarin, duke krijuar precedentin e parë që një magjistrat i dalë nga sistemi i drejtësisë të rimerret në shqyrtim me mundësinë e rimarrjes së detyrës.
Prokurorja Antoneta Sevdari, për të cilën tashmë ekziston në fuqi vetëm vendimi i shkallës së parë të vetttingut, kur Komisioni i Pavarur i Kualifikimit më 18 korrik 2018 e cilësoi të pastër, kërkon rikthimin në detyrë, ndërsa seanca e radhës do të mbahet në KPA më 17 prill.
Kujtojmë se ky proces në KPA vjen pas një vendimmarrje të Gjykatës Evropiane të të Drejtave të Njeriut, që pranoi ankimin e prokurores Antoneta Sevdari dhe dënoi Shqipërinë që të dëmshpërblente ish-prokuroren me rreth 25 mijë euiro dhe sugjeroi të rishikohej vendimi i shkarkimit.
Gjykata e Strasburgut gjeti shkelje të nenit 8 të Konventës dhe vuri në dukje se vendimi i shkarkimit ishte “disproporcional” dhe në shkelje procedurale, por theksoi se rasti i Sevdarit duhet të konsiderohet përjashtimor dhe se nuk mund të kthehet në një referencë kundër procesit të vetingut në tërësi.
Komente
Kur e kaloj vetingun kjo zonja tha shume mire qe po behet qe te largohen te korruptuarit, kur u largua vete tha jo jo vetingu eshte nje padrejtesi e madhe qe po behet per te gjithe. Kthimi saj eshte gje e mire pasi do ti jape nje dore drejtesise se re, ku jane futur te gjithe femijet e te korruptuarve te denuarve dhe te shkarkuarve.
PërgjigjuSuksese prokurore.
PërgjigjuSa merak e keni more aman kete pune apo ju duhet rezultati 100% te mos preken ato vendime qe e dine te gjithe se cfare perfaqesojne.
Përgjigju