Fitorja 3-0 në shtëpi me Sileksin i ka dhënë titullin kampion Strugës në Maqedoninë e Veriut. Skuadra e drejtuar nga Shpëtim Duro ka siguruar trofeun e parë në kampionat, qysh nga krijimi në 2015. Me 62 pikë pas javës së 28-të, Struga ka lënë pas Shkupin dhe Shkëndijën, me tre skuadrat shqiptare që bëjnë ligjin në futbollin e vendit fqinj.
Kësisoj, struganët i heqin kurorën Shkupit dhe festojnë një trofe të merituar. Me 18 fitore, tetë barazime dhe vetëm dy humbje, Struga ka zhvilluar një sezon për t'u mbajtur mend.
Prej 1 marsit të këtij viti, Duro u ul në stolin e struganëve dhe në tetë ndeshjet e zhvilluara ka marrë një mesatare prej 2.5 pikësh. Pas titullit kampion me Skënderbeun në sezonin 2010-11, Duro siguron trofeun e dytë madhor në karrierën e tij.
Festa e titullit:
Komente
Pergezime Struges per kampionatin e pare te fituar me Duron ne krye. Me vjen mire qe 3 ekipet shqiptare udheheqin kampionatin maqedon, nuk ka me mire.
Përgjigju