Covid-19 mund të ketë ndikime negative të qëndrueshme në trup, por ka shpresë që pacientët jo vetëm që mund të shërohen me kalimin e kohës, por mund ta bëjnë këtë më shpejt përmes rehabilitimit pulmonary
Dy studime që do të paraqiten të hënën në Kongresin Ndërkombëtar të Shoqatës Europiane të Frymëmarrjes, tregojnë se si infeksioni i rëndë Covid mund të lërë dëmtime të qëndrueshme të mushkërive dhe, në disa raste, edhe plagë psikologjike.
"Lajmi i mirë është se dëmtimi tenton të përmirësohet me kalimin e kohës, gjë që tregon se mushkëritë kanë një mekanizëm për të riparuar veten e tyre"- kështu u shpreh Dr. Sabina Sahanic, (Klinika Universitare në Innsbruck, Austri)
Studimi përfshiu të dhëna për 86 pacientë të prekur rëndë me Covid-19, të cilët ishin regjistruar në studim midis prillit dhe qershorit. Pacientët u vlerësuan gjashtë javë pasi dolën nga spitali dhe pastaj u vlerësuan sërish për 12 javë
Në gjashtë javë, studiuesit zbuluan se 65.9% e pacientëve shfaqnin simptoma të vazhdueshme Covid-19, me gulçim dhe kollë që ishin më të zakonshmet simptoma në vazhdim
Studiuesit gjithashtu vunë re se disa pacientë kishin mosfunksionim diastolik të ventrikulit të majtë në zemër.
Rruga për shërim
Studimi zbuloi se midis 19 pacientëve të prekur rëndë me Covid-19, që iu nënshtruan rehabilitimit pulmonar patën përmirësime në kapacitetin e mushkërive, ekuilibrin, forcën e muskujve, lodhjen dhe disa faktorë të rrezikut si depresion dhe ankth.
Studimi thotë gjithashtu se pacientët të cilët kaluan më pak kohë të shtrirë në shtrat midis kohës që ata kaluan në kujdesin intensiv dhe rehabilitimit pulmonary, u rikuperuan më shpejt.
Në nivelin psikologjik, disa pacientë gjithashtu patën çrregullime të rënda të stresit post-traumatik pas intubimit në repartet e kujdesit intensiv, por ata nuk u përmirësuan pas rehabilitimit.
