Nivelet e antitrupave në pacientët e shëruar nga koronavirusi ulen me shpejtësi. Kjo është ajo që del nga një studim i botuar në revistën shkencore Nature. Hulumtimi, i cili duket se ngadalëson entuziazmin për mbrojtjen e krijuar nga antitrupat të të shëruarve, megjithatë duhet të thellohet me të tjera studime pasi përfshiu një numër të vogël njerëzish.
Pacientët e ekzaminuar ishin gjithsej 74. Prej tyre 37 ishin simptomatikë dhe 37 asimptomatikë.
Sipas asaj që doli nga studimi i kryer në Kinë nga një grup i Universitetit Mjekësor Chongqing (një degë e Qendrës Kineze për Kontrollin dhe Parandalimin e Sëmundjeve), në 3 muaj antitrupat u ulën për më shumë se 70%.
Konkretisht, në mbi 90% të subjekteve të studiuar, pati një rënie të mprehtë të antitrupave IgG brenda rreth 2-3 muajve.
Mesatarisht, ulja ishte mbi 70% për pacientët simptomatikë dhe asimptomatikë.
40% e individëve asimptomatikë gjithashtu u bënë seronegativ për IgG, prandaj nuk kishin më antitrupa që të tregonin se nëse trupi i tyre kishte kontaktuar infeksionin dhe që teorikisht ti mbronin ata
