Shkrimtari dhe studiuesi i mirënjohur britanik Kenan Malik i ka dedikuar një artikull emigrimit të shqiptarëve duke thënë se histeria e mediave britanike për ata që kalojnë Kanalin e La Manshit me gomone, është krejt e ndryshme nga realiteti që tregojnë shifrat.
Ai thotë se vrulli i mediave britanike nisi nga një artikull në “Daily Mail” që supozonte se kishte në dorë një raport sekret të inteligjencës ushtarake, ku pretendohej se 40% e atyre që kalonin Kanalin ishin shqiptarë. Por nga kjo përfitoi menjëherë sekretarja britanike e Punëve të Brendshme, Priti Patel, duke e përdorur si propagandë për qëllimet e saj politike. Priti Patel përhap teori konservatore për shqiptarët, por statistikat zyrtare tregojnë një histori krejt tjetër, shkruan Kenan Malik në artikullin e botuar nga The Guardian.
“Shikoni panikun e fundit për shqiptarët. Filloi me një artikull në Daily Mail , duke u mbështetur në një “raport sekret të inteligjencës ushtarake”, duke pretenduar se 40% e emigrantëve që kalojnë përmes Kanalit ishin shqiptarë. Programi “Today i Radio 4” të enjten pohoi se “zyrtarët e qeverisë besojnë se shumica” e njerëzve që mbërrijnë me varka të vogla ishin nga Shqipëria, një pretendim i paraqitur pa sfidë si fakt. Po atë ditë, Home Office zbuloi një marrëveshje me Tiranën për të “përshpejtuar” largimin e shqiptarëve, të cilët me sa duket nuk kërkojnë azil sepse vijnë nga një “komb i sigurt dhe i begatë”, shkruan Malik në një artikull të publikuar në The Guardian.
“Statistikat tregojnë një histori tjetër. Sigurisht që numri i shqiptarëve që kalojnë Kanalin është rritur, por në gjashtë muajt e parë të këtij viti ka qenë rreth 17% e totalit. Është e mundur që shifrat të kenë ndryshuar në mënyrë dramatike që nga fundi i qershorit, por ne kemi pak prova për këtë, përveç burimeve të paverifikuara të Home Office dhe një dokumenti sekret nga inteligjenca ushtarake”, shkruan më tej Malik.
Intelektuali indiano-britanik shton se pretendimi se shqiptarët nuk kanë nevojë për azil sepse vijnë nga një vend i “sigurt” është gjithashtu i kundërshtuar nga të dhënat. Sipas tij plot 53 për qind e shqiptarëve kanë arritur të marrin azil që me kërkesën e parë, dhe një pjesë tjetër më e madhe në apelin e dytë.
“Pretendimi se shqiptarët nuk kanë nevojë për azil sepse vijnë nga një vend i “sigurt” është gjithashtu i kundërshtuar nga të dhënat. Në vitin që përfundon këtë qershor, 53% e kërkuesve shqiptarë iu është dhënë azil, ose forma të tjera leje qëndrimi në vend, me vendimin e parë, dhe një përqindje më e lartë në apel. Në periudhën janar-qershor të këtij viti, shifra arriti në 385 persona; më pak se gjysma e kësaj shifre u refuzua zyrtarisht. Se çfarë ndodh me shumicën e shqiptarëve që përndryshe mund të kishin marrë azil kur vendosen në një korsi deportimi “të shpejtë”, askush nuk do ta thotë”, shkruhet në artikull.
Të dhënat gjithashtu hedhin poshtë pretendimin nga Priti Patel se shumica e kërkesave për azil janë false dhe se “70% e njerëzve që kalojnë Kanalin… janë emigrantë ekonomikë Sipas statistikave për një periudhë 1 vjeçare nga qershor 2021-2022 rezulton se tre të katërtat e të gjithë atyre që pretendonin azil kanë arritur ta fitojnë. Gjysma e atyre që apeluan kundër refuzimeve ishin gjithashtu të suksesshme, duke e çuar shkallën totale të përfituesve të azilit në pothuajse 90%.
Çfarë ndodh me emigrantët që kalojnë Kanalin e La Manshit? Nga të gjithë emigrantët që kanë mbërritur me varka të vogla që nga viti 2018, 82% janë ende në pritje të një vendimi për kërkesën e tyre për azil. Kjo tregon se procesi i Home Office është i ngadaltë dhe kjo nuk është vetëm për shkak të shifrave më të larta – edhe pse numrat janë rritur, sepse është një sistem që duket pothuajse i projektuar të ecë me ritme shumë të ngadalta.
Komente
Turp per britaniket me lajme fobie për Shqiptarët ! E kush ata që moren floririn e gjithë kombit tone ne shek XX! Shqiptarët skane shtet kane figura shteterore që ngjajne me Joker tek filmi! Edhe Enver Hoxha thoshte, nuk Ju besoj Anglezëve , ndaj ja vlen të bashkpunosh me Amerikanët ! Anglezet jane komplet shtet pirat!
PërgjigjuVetem se keni parasysh qe, nese qeveria britanike genjen per fenomenin shqiptar te emigrimit, ne menyre per te propoganduar masat e saj ne ate drejtim, vendimi i sekretarit genjeshtar per "non grata" ndaj nje tjeter shqiptari (Sali Berisha) me shume gjase dhe logjike analoge eshte po ashtu genjeshter e pabazuar ne prova. Ndaj konsultojeni njehere me orakullin e Rames qe mos iu dali situata tjeter per tjeter.
PërgjigjuNje lope indiane qe ben rracisten ndaj shqiptareve. O tempora o mores!
Përgjigju