Romë- Italia ndodhet prej javës së kaluar në rrymat e kushteve të këqija atmosferike, që u shoqëruan me reshje të rrëmbyeshme shiu, stuhi ere dhe rrufe.
Nuk munguan as përmbytjet në qytetin historik të Romës, deri në zonën e “Coloseu”-t, teksa rrugët dhe madje bizneset u tejmbushën nga ujërat që vërshuan furishëm.
Kryeqyteti italian u zgjua sot (9 Shtator) nën një ciklon të furishëm që solli edhe përmbytje në disa zona dhe shkatërrime. Në rrjete janë shpërndarë edhe pamje të frikshme të qiellit të nxirë dhe rrufeve që jehonin njëra pas tjetrës, teksa qielli dukej sikur do shpërthente nga elektriciteti magnetik, të publikuara nga 'La Repubblica'.
Rreth 100 ndërhyrje janë kryer nga zjarrfikësit e Romës që prej mesnatës së diel (8 Shtator), për pemë dhe degë të pasigurta, dëmtime uji, rrëshqitje dherash dhe paqëndrueshmëri statike.
Zonat më të prekura brenda kryeqytetit ishin nëpërmjet Della Batteria di Porta Furba, Mosca dhe Appia Pignatelli. Në provincë vijojnë ende ndërhyrjet për pastrimin e rrugëve nga pemët e rëna në Albano Laziale, Velletri dhe Frascati, kurse uji hyri edhe në disa banesa e dyqane.
Komente
Nga e gjetet kete fjale “te dhunshme” per te pershkruar stuhine?!
Përgjigju