Përmbytjet dhe shirat e rëndë vazhdojnë të godasin Italinë. Trupi i një gruaje u pa në det mëngjesin e sotëm duke e çuar në gjashtë numrin e viktimave . Në Garessio, Tanaroka vazhdojnë përmbytje të shumta dhe shumë lokalitete kanë mbetur të izoluara dhe pa energji elektrike.
Në një kohë kur vendi po përballej ende me efektet e pandemisë, përmbytja është një goditje tejet e rëndë nga e cila do të jetë e vështirë për shumë operatorë ekonomikë të rikuperojnë. Piemonte mbetet zona më e goditur në Itali.
Situata nuk është shumë e ndryshe përtej kufirit francez, në Departamentin e Alpeve Detare, ku të paktën janë regjistruar dy të vdekur dhe tetë persona janë zhdukur. Gjendja paraqitetet më e rëndë më në Breil-sur-Roya, një qytet i cili ka mbetur pa ujë ose energji elektrike dhe me rezerva të vogla të ushqimit.
Parashikimet e motit vazhdojnë të jenë shqetësuese dhe shoqata të ndryshme dhe vullnetarë kanë filluar të mbledhin gjërat e domosdoshme për qindra njerëz të mbetur të pastrehë.
