Stuhia "Ciara" solli anullimin e shumë fluturimeve në të gjithë Evropën ditën e sotme.
Sipas CNN, dy nga aeroportet më të ngarkuara të Evropës, një në Frankfurt, Gjermani, tjetri në Amsterdam, Hollandë, secila nuk realizoi më shumë se 100 fluturime për shkak të stuhisë.
Hans van Kastel, zëdhënës i Aeroportit "Schiphol" në Amsterdam, tha se 120 fluturime janë prekur nga stuhia.
Foto nga aeroporti
Të paktën 135 fluturime u anuluan gjithashtu në aeroportin "Frankfurt am Main", sipas një zëdhënësi. Në Britani, një zëdhënëse e "Heathrow", aeroporti më i madh i vendit, nuk mund të konfirmonte numrin e fluturimeve të prekura, por pritet që ndërprerja të zgjasë.
"Për të minimizuar numrin e fluturimeve të anuluara me njoftim të shkurtër, morëm vendimin e përbashkët, së bashku me kompaninë tonë ajrore dhe partnerët e trafikut ajror, për të konsoliduar paraprakisht orarin e sotëm", tha zëdhënësja i "Heathrow", Paloma Aguilar Gilks.
"Pavarësisht ashpërsisë së stuhisë, aeroporti "Charles de Gaulle" në Paris nuk ka pësuar ende vonesa, por fluturimet mund të prishen në mbrëmje", u shpreh një pjesëtar i aeroportit.
"British Airways Boeing 747" shënoi fluturimin më të shpejtë nga Nju Jorku në Londër, duke marrë vetëm katër orë dhe 56 minuta për të përfunduar udhëtimin.
"Koha mesatare e marrë për të udhëtuar me aeroplan nga Nju Jorku në Londër është gjashtë orë e 13 minuta", sipas Flightradar24, një shërbim online për fluturimet.
Dy fluturime të tjera të operuara nga Virgin gjatë të njëjtës rrugë ishin vetëm disa minuta më të ngadalta se fluturimi.
Foto nga lumi i dalë nga shtrati
Ata të dy zbarkuan në Londër brenda gjysmë ore nga aeroplani BA, të ndihmuar nga shpejtësia e lartë e erës së shkaktuar nga "Ciara", të tre rrahën me lehtësi rekordin e mëparshëm prej pesë orësh dhe 13 minutash, të cilin e vendosi Norvegjia dy vite më parë.
Paralajmërimet e udhëtimit janë lëshuar në të gjithë Mbretërinë e Bashkuar nga "Zyra Meteorologjike Britanike", me erëra të mëdha që priten në pjesën më të madhe të Anglisë dhe Uellsit gjatë gjithë ditës së dielë.
Shërbimi i paralajmërimit të përmbytjes së qeverisë së Britanisë së Madhe lëshoi një paralajmërim të rëndë për përmbytjen, duke treguar rrezik për jetën, pasi lumi Irëell në veri-perëndim të Anglisë përmbyti brigjet e tij.
Shërbimi qeveritar ka njoftuar gjithsej 248 paralajmërime për përmbytjet, që do të thotë se priten përmbytje në të gjithë vendin.
Gjithashtu ndodhën edhe ndërprerje të udhëtimit në të gjithë Mbretërinë e Bashkuar, Stuhia Ciara ka çuar në anulimin e ngjarjeve sportive, duke përfshirë një ndeshje të "Premier League" në Angli midis ekipeve të futbollit "Manchester City" dhe "West Ham United".
