Stuhia Ciara që po godet Europën me erëra deri në 160 kilometra në orë po shkakton shqetësime në shumë vende.
Për momentin Britania e Madhe është më e goditura nga ciklona prej të cilit ka patur shumë dëme.
Dalja e lumenjve nga shtrati ka shkaktuar përmbytje të mëdha.
Erërat kanë shkaktuar gjithashtu ndërprerjen e energjisë elektrike për disa mijëra banorë.
Franca ka vendosur të mbyllë Kullën Eiffel për shkak të erërave të forta dhe si masë sigurie.
Në Britani, prej rreshjeve dhe erës së fortë shumë aeroporte kanë anuluar fluturimet.
Edhe Belgjika, Gjermania dhe Hollanda veç fluturimeve, kanë pezulluar lëvizjen e trenave në distanca të gjata në disa shtete perëndimore.
Efektet e stuhisë kanë mbërritur edhe në Itali. Erërat e forta kanë prekur zonën veri perëndimore të gadishullit, sidomos në Tuskana, Emilia-Romagna dhe Marche.
Të paktën pesë persona u vranë nga stuhia Ciara që po shkatërron Europën.
Dy gra, nënë dhe bijë, u vranë në Poloni pasi stuhia rrëzoi çatinë e një objekti në vendpushimin dimëror ‘Bukovina Tatrzanska’ afër kufirit me Sllovakinë.
Dy viktima janë shënuar gjithashtu në Francë dhe një tjetër në Gjermani.
Erërat e forta dhe rreshjet e mëdha që goditën pjesë të Europës, kanë shkaktuar dëme të mëdha në Britaninë e Madhe, Francë, Gjermani, Poloni, Belgjikë dhe Çeki, ku kompanitë e energjisë kanë raportuar se mbi 100 000 familej kanë mbetur pa energji elektrike.
