TIRANË- Mes debatesh dhe hatërmbetjesh, dorëheqje nga kandidimi dhe akuza Partia Demokratike zyrtarizoi mbrëmjen e vonë të 12 marsit listën me 186 kandidatë të “Aleancës për Shqipërinë Madhështore për zgjedhjet e 11 majit. U deshën mbledhje maratonë të Kryesisë dhe Këshillit Kombëtar që Berisha të dilte me listën, ku vetë kryeson Qarkun e Tiranës.
Në ndryshim nga kampi socialist që këtë 11 maji garon me një ekip tërësisht të rinovuar, në kampin demokrat nuk ka asnjë surprizë. “PD-Koalicioni Aleanca për Shqipërinë Madhështore” vjen me pak risi, pasi kreu i demokratëve, Sali Berisha është kujdesur që në listat e mbyllura të fusë të gjithë besnikët e tij për t’iu garantuar një vend në parlamentin e ardhshëm. Në total 8 vende në listë të sigurt u janë lënë aleatëve, ndërsa kreu i PL, Ilir Meta nga qelia, do të garojë në listën e hapur të Tiranës.
Lista e mbyllur për Qarkun e Tiranës është mbushur me besnikët e Berishës, i cili shkel hapur rezultatin e Primareve duke lënë jashtë listës së mbyllur ndër më të votuarit. Është vetë Berisha që udhëheq listën e mbyllur të Tiranës, pas tij numri 2 i PD dhe më besniku i tij, Flamur Noka, vijohet me Edi Palokën, Albana Vokshin, Belind Këlliçin e ndërsa vihet re rikthimi i Jozefina Topallit.
4 vende në listën e sigurt të Tiranës i janë lënë aleatëve, 2 për Partinë e Lirisë me Tedi Blushin dhe Erisa Xhixhon, 1 Fatmir Mediu nga Partia Republikane dhe 1 Mesila Doda nga PDIU. Kështu, aleati Shpëtim Idrizi garon në listën e hapur të Shkodrës, duke i lënë vendin në listën e mbyllur deputetes së partisë së tij Doda. 4 vendet e tjera i janë lënë aleatëve në listë të mbyllur, Vangjel Dule në Vlorë, Brunilda Haxhia e PL në Fier, Edmond Xhainasto në Elbasan, Artan Luku i PAA në Durrës.
Kështu jashtë listës së sigurt të Tiranës mbesin emra ndër më të votuarit si Jorida Tabaku, Ilir Alimehmeti apo deputetët Kreshnik Çollaku, e Durata Çupi. Jashtë listës së sigurt mbetet edhe Arjana Kalaja e cila luftoi për një vend në listë të sigurt, por Berisha e la jashtë. Kështu, skema e Berishës për të shpërblyer besnikët solli pakënaqësi në radhët e demokratëve duke sjellë tërheqjen nga gara të deputetit Dash Sula më i votuari në primaret e Elbasanit, Hysen Kadiu më i votuari në primaret e Tiranës, apo dy deputetet Ori Nebiaj e Ilda Dhori. Nëse Partia Demokratike do të marrë mandate në listën e hapur ato do të jenë ‘trofe’ shumë i lakmueshëm pas për to do të luftojnë edhe “aleatët VIP”, Ilir Meta dhe Shpëtim Idrizi.
Partia e Lirisë e Metës i ka marrë Partisë Demokratike një mandat të sigurt në Elbasan me Edmond Haxhinaston, qark në të cilin kandidon në listën e hapur edhe Dashamir Xhika. Mandati tjetër i sigurt I PL është në Fier me Brunilda Haxhiun, qark në të cilin lista e PD kryesohet nga Gazment Bardhi, ndërsa i sigurt është edhe deputeti i Lushnjës Korreshi.
Në Durrës, ndryshe nga çfarë ishte aluduar Igli Cara është në listën e sigurt, ndërsa në këtë qark kandidat i Partisë Agrare Ambientaliste të Agron Dukës është Artan Luku. Në Shkodër nuk ka supriza me 3 deputetë aktualë që kryesojnë listën, Luçiano Boçi, Greta Bardeli e Ramadan Likaj.
Listat e tjera të qarqeve Korçë, Vlorë, Berat, Dibër, Lezhë, Kukës e Gjirokastër nuk ka surpriza dhe PD ka thuajse të njëjtat emra. 17 deputetë aktualë të PD janë në listat e mbyllura.
12 deputetë aktualë, mes tyre emra të njohur si Dashnor Sula, Helidon Bushati, Emilia Koliqi, Ferdinand Xhaferraj, Lefter Geshtenja, Zheni Gjergji dhe Ilda Dhori i refuzuan Berishës të kandidon në listën e hapur, ndërsa mes ligjvënësve aktualë kandidojnë për votat e qytetarëve 12 deputetë të tjerë si Tabaku e Çupi në Tiranë, apo edhe Andia Ulliri, Edmond Spaho, Lindita Metaliaj, Kreshnik Çollaku, Asllan Dogjani etj.
Dhurata Çupi dhe Jorida Tabaku
Vetëm 13 deputetë të Partisë Demokratike janë në listën e hapur për zgjedhjet e 11 majit. Në këtë listë spikasin emra si Jorida Tabaku, Dhurata Çupi, Andia Ulliri, Edmond Spaho e Asllan Dogjani.
Ndërkohë, në listën e mbyllur janë 19, ku spikasin emra si Sali Berisha, Flamur Noka, Edi Paloka e Albana Vokshi. Po ashtu, janë 12 emra që refuzuan të kandidojnë ose u tërhoqën si Dashnor Sula, Ori Nebiaj, Ilda Dhori e Lefter Gështenja.
2. Dhurata Çupi
3. Andia Ulliri
4. Petrit Doda
5. Edmond Spaho
6. Andrea Mano
7. Ludovik Hasani
8. Kastriot Piroli
9. Lindita Metaliaj
10. Kreshnik Çollaku
11. Isuf Çela
12. Asllan Dogjani
13. Qani Xhafaj
2.Flamur Noka
3.Edi paloka
4.Albana Vokshi
5.Tomorr Alizoti
6.Greta Bardeli
7.Ramadan Likaj
8.Agron Gjekmarkaj
9.Elda Hoti
10.Bujar Leskaj
11.Ina Zhupa
12.Xhelal Mziu
13.Tritan Shehu
14.Gazment Bardhi
15.Luan Baçi
16.Saimir Korreshi
17.Bledion Nallbati
18.Oerd Bylykbashi
19.Flamur Hoxha
2. Kasem Mahmutaj
3. Eralda Bano
4. Emilia Koliqi
5. Ferdinand Xhaferraj
6. Lefter Geshtenja
7. Zheni Gjergji
8. Sorina Koti
9.Oriela Nebiaj
10. Ilda Dhori
11. Dashnor Sula
Report Tv ka zbardhur listën e kandidatëve të Partisë Demokratike në listën e hapur për qarkun e Gjirokastrës. Në listë janë 4 kandidatë që do të garojnë në zgjedhjet e 11 majit 2025.
Koalicioni “Aleanca për Shqipërinë Madhështore” me në krye Partinë Demokrarikë, ka bërë me dije emrat e kandidatëve të saj për deputet në Qarkun Durrës.
Partia Demokratike ka zyrtarizuar listën e hapur për deputetë, të cilët do të garojnë në zgjedhjet e përgjithshme të 11 majit për qarkun e Beratit.
Në listë janë 7 emra.
Report Tv ka zbardhur listën e kandidatëve të Partisë Demokratike në listën e hapur në qarkun e Kukësit. Në listë janë 3 kandidatë, Isuf Çela, Shkëlqim Shehu dhe Elvira Peka.
Report Tv ka mundur të zbardhë emrat e kandidatëve për deputetë në listën e hapur të koalicionit “Aleanca për Shqipërinë Madhështore” për Qarkun Fier.
Report Tv ka mundur të zbardhë emrat e kandidatëve për deputetë në listën e hapur të koalicionit “Aleanca për Shqipërinë Madhështore” për Qarkun Dibër.
Report Tv ka mundur të zbardhë emrat e kandidatëve për deputetë në listën e hapur të koalicionit “Aleanca për Shqipërinë Madhështore” për Qarkun Shkodër..
Report Tv ka mundur të zbardhë emrat e kandidatëve për deputetë në listën e hapur të koalicionit “Aleanca për Shqipërinë Madhështore” për Qarkun Korçë..
Report Tv ka zbardhur listën e kandidatëve të PD në listën e hapur në Elbasan. Në listë janë 14 kandidatë.
Report Tv zbardh listën e hapur të kandidatëve të PD në Vlorë.
Report Tv ka siguruar listën e hapur të Partisë Demokratike në Lezhë. Në listë janë 7 emra, Gjin Gjoni, Lindita Metaliaj, Kastriot Piroli, Aleksandër Lala, Edison Doçi nga Partia Agrare Ambientaliste, Viktor Tusha nga Partia e Lirisë dhe Melisa Vuthaj nga PR.
Report Tv zbardh listën e hapur të PD në qarkun e Tiranës. Ilir Meta garon në listë të hapur në Tiranë. Po ashtu edhe Ilir Alimehmeti e Jorida Tabaku, ndër më të votuarit në primare.
Partia Demokratike ka zyrtarizuar listën e mbyllur për deputetë, të cilët do të garojnë në zgjedhjet e përgjithshme të 11 majit.
Pas një mbledhje maratonë në selinë blu, kryesia e PD-së dhe Këshilli Kombëtar, kanë votuar listën e mbyllur me emrat e kandidatëve për deputetë, të cilët do të kenë një vend të sigurt në Parlamentin e ardhshëm të Shqipërisë.
Partia Demokratike ka zgjedhur kandidatin për deputet që do të jetë në listën e mbyllur për Qarkun Kukës, për zgjedhjet e 11 majit.
Bëhet fjalë për Flamur Hoxhën, i cili është edhe drejtues politik i këtij qarku.
Moment nga mbledhja e Kryesisë së PD për listat
Zbardhen edhe emrat e listës së mbyllur të Partisë Demokratike për 3 qarqe të tjera të vendit, në zgjedhjet parlamentare të 11 majit.
Dy emra në listën e sigurt për Dibrës, ku do jenë Xhelal Mziu dhe Denis Vata, kurse në Vlorë bie në sy emri i Bujar Leskajt, Atird Hoxhës, Ina Zhupës dhe aleatit të selisë blu, kreut të PBDNJ-së Vangjel Dule. Kurse për qarkun e Gjirokastrës mësohet vetëm emri i Tritan Shehut në listën e mbyllur.
Partia Demokratike ka bërë zyrtarë emrat për listën e mbyllur të qarkut të Shkodrës. Sipas Partisë Demokratike në listën e sigurt janë katër emra të kryesuar nga drejtuesi politik i qarkut Luçiano Boçi, midis tyre është në listë dhe Greta Bardeli që përfaqësohet sipas rregullit të barazisë gjinore.
Report Tv ka zbuluar kandidatët për deputëtë të renditur në listën e mbyllur të koalicionit opozitar “Aleanca për Shqipërinë Madhështore”, për zgjedhjet e 11 majit, në qarqet Lezhë e Berat.
Report Tv ka mësuar emrat e kandidatëve për deputetë në listën e mbyllur të koalicionit opozitar "Aleanca për Shqipërinë Madhështore", për Qarkun Korçë.
Report Tv zbardh emrat e listës së mbyllur të PD në qarkun e Elbasanit Deputeti Dash Sula është lënë jashtë, ndërkohë një vend në Elbasan e merr Edmond Haxhinasto i PL.
Report Tv zbardh emrat e listës së mbyllur të PD në qarkun e Tiranës. Jorida Tabaku dhe Dhurata Çupi në listë të hapur në Tiranë. Kryeson Berisha në listën e mbyllur, 4 vende aleatëve.
Report Tv zbardh emrat e mundshëm për emrat e kandidatëve të PD në qarkun e Durrësit e Fierit. Anëtari i Kryesisë së PD, Bislim Ahmetaj, pakënaqësi ndaj Berishës duke thënë se listat po bëhen më keq se në 2013 dhe 2021.
Kryesia e Partisë Demokratike është mbledhur për të miratuar listat e kandidatëve për deputetë për zgjedhjet e 11 majit. Nga selia blu, në një fjalim të hapur për mediat Berisha shigjetoi PS, duke thënë se po përcaktojnë kandidatura në bashkëpunim me klanet e krimit. Ndërkohë, për Damian Gjiknurin tha se kërcënoi Ramën që ta fusë në lista duke i çuar nëj zarf me foto të McGonigal.
"Mblidhemi sot në vendimmarrjen më të rëndësishme të këtij 4-vjeçari, në miratimin nga kjo kryesi të kandidaturave që PD e Shqipërisë do paraqesë para elektoratit shqiptar së bashku me koalicionin për Shqipërinë Madhështore. Ky është një moment jashtëzakonisht i rëndësishëm, meritë e madhe e anëtarësisë së PD, drejtuesve të saj në degët e PD-së dhe në qendër, deputetëve të saj dhe ajo çka mund t’u them unë se ky proces qëndron në lartësinë e plotë të objektivit kryesor të PD-së, Shqipëria Madhështore.
Ky është procesi më transparent që është zhvilluar ndonjëherë në historinë e PD, me pjesëmarrjen më të gjerë të mundshme, me përfaqësimin e të gjitha ndjesive, të gjitha shtresave, nënshtresave, grupeve, komuniteteve të shoqërisë shqiptare. Por këta kandidatë për deputetë kanë avantazhin sepse janë njëkohësisht përfaqësuesit e koalicionit më të fuqishëm që ka njohur Shqipëria në 32 vite.
Ky koalicion që bashkon rreth 25 parti, të cilat pa PD-në, përfaqësojnë pothuaj një të tretën e elektoratit shqiptar. Ky koalicion, pa PD përfaqësojnë 1/3 e elektoratit shqiptar. Kjo përbën një avantazh të fuqishëm për aleancën për Shqipërinë Madhështore dhe PD, një avantazh që ka goditur thellë në dëshpërim palën kundërshtare që në fakt është në kaos të vërtetë. Ekipi Rama ‘Lubi-Balluku’ po përcakton kandidatura tërësish në bashkëpunim me klanet e krimit në Shqipëri. Janë flakur edhe socialistët e fundit që kishin mbetur në parti dhe janë zëvendësuar me eksponentë politikë të botës së krimit, apo kushëri e kushërira, etj etj. Kërcënimi është metoda bazë e përcaktimit në lista të deputetëve. Kështu, në rast se Rama do dëshironte që të lante duart me Gjiknurin, Gjiknuri i çoi një zarf jo me para, por me fotot e McGonigal dhe Gjiknuri i rikthye në lista. Dhashë këtë shembull se si po caktohet lista në krahun tjetër.
Ne paraqitemi me listën me dinjitoze, me luftëtarë të vendosur, të kauzave të drejta të kësaj partie të cilët në 4 vite kanë bërë betejat më të fuqishme që ka njohur populli shqiptar. Paraqitet me specialistë të shquar me përfaqësues të inteligjencës shqiptare, të diasporës, të komuniteteve të ndryshme dhe ndonjëherë nuk ka patur ndonjë përfaqësi kaq të plotë para zgjedhësve shqiptarë. Kryesia do bëjë përzgjedhjen përfundimtare dhe jam i bindur se impakti i tyre te shqiptarët do jetë i një faktori që çon peshë zemrat e tyre", tha Berisha.
Komente
Zhelefina në listë në Tirana para Tabakut turp!
PërgjigjuPo kete Dule grekun ka ma gjete qe e solle ne Vlore o Doktor 100 her me mir Dashi Avas
PërgjigjuO shpellarë a shkohet mbrapa një maloku non grata.....SALI ENVER JEMI GATI KURDOHER...
PërgjigjuTabaku dhe çupi deri vone flirtonin me lul bashen she alibeun, si mund te pretendojne me qen ne liste ye mbyllur te berishes. Ka demokrate si adriana kalaje etj qe e meritojne shum me shum se te lartpwrmendurat
Përgjigjuo berish o debil me ket list do fitosh ti o koqe kanari list e 97
PërgjigjuAMAN O BERISHA,,,ME FUT EDHE MUA NE KOALICION,,SE DO TE SJELL SHUME VOTA.....
PërgjigjuO shifts! Rama nuk është kriminel siç je ti!Rama nuk e rruan fard as për Damjana as Saljsna mo shifts intrigant I ndyrë
Përgjigju