Disa persona kanë sulmuar me armë zjarri këtë të dielë një kishë dhe 2 sinagogë, duke shkaktuar vdekjen e një prifti dhe 6 policëve, në provincën më jugore të Dagestanit të Rusisë.
Sulmet janë raportuar konkretisht në një kishë dhe një sinagogë në qytetin e Derbentit dhe në një tjetër sinagogë në qytetin e Makhachkala.
Autoritetet rajonale thonë se 12 oficerë të zbatimit të ligjit janë plagosur, megjithëse është e paqartë se në cilin qytet.
Dy qytetet janë rreth 120 km (75 milje) larg njëri-tjetrit.
Lajmi për vdekjen e priftit e dha kryetari i Komisionit të Monitorimit Publik të Dagestanit, Shamil Khadulaev.
“Sipas informacioneve që kam marrë, At Nikollaj është vrarë në kishën e Derbentit, i kanë prerë fytin. Ai ishte 66-vjeçar dhe shumë i sëmurë”, tha Khadulaev.
"Priftërinj të tjerë janë mbyllur në kishë dhe presin ndihmë", shtoi më tej.
Sipas CNN, sulmi në kishë dhe në dy senagogët ka ndodhur njëkohësisht,duke ngritur dyshime serioze për një sulm të koordinuar.
K.M/ReportTv.al