Një grup personash të armatosur sulmuan një kishë baptiste në shtetin Kaduna në Nigerinë veriperëndimore, nga ku u rrëmbyen 40 besimtarë.
Bandat e armatosura, të njohura në vend si banditë, kanë rrëmbyer njerëz nga fshatrat, shkollat dhe autostradat kryesisht në veriperëndim të vendit, ku siguria e qeverisë është e pakët. E së fundmi disa persona të armatosur kanë rrëmbyer 40 besimtare nga një kishë në një fshat të largët në Nigeri.
Kryetar i Shoqatës së Krishterë të Nigerisë në shtetin Kaduna, tha se sulmi ndodhi gjatë një shërbimi në Kishën Baptiste Bege, në fshatin Madala.
40 besimtarët u rrëmbyen nga kisha dhe vetëm 15 nga të rrëmbyerit u arratisën nga robëruesit e tyre të dielën mbrëma.
Chikun është ndër dy distriktet në Kaduna ku bandat e armatosura që kërkojnë shpërblim janë më aktive.
"Ne nuk kemi dëgjuar asnjë kontakt për shpërblim apo ndonjë gjë nga ata (personat e armatosur) në lidhje me njerëzit e mbetur dhe lutemi që rrëmbyesit të jenë të mëshirshëm për t'i liruar 25 të mbeturit tek familjet e tyre," tha Kryetar i Shoqatës së Krishterë të Nigerisë.
