Një person i armatosur ka vrarë të paktën 10 persona në një supermarket Walmart në Chesapeake, Virxhinia. Autor mendohet të jetë menaxheri i dyqanit që pas sulmit vrau veten. Ende nuk dihen arsyet e sulmit që ndodhi në orën 22:12. Të shtënat besohet të kenë ndodhur brenda dyqanit dhe se i dyshuari ka vepruar i vetëm.
Përfaqësuesit e Ëalmart thanë se janë ‘të tronditur nga kjo ngjarje tragjike’. Fotot në mediat sociale treguan një prani të madhe të policisë në vendngjarje. Një dëshmitar, i veshur me uniformën Ëalmart, tha se sapo kishte dalë nga një dhomë ku kishte të tjerë persona nga stafi, menaxheri hyri dhe hapi zjarr.
"Mjerisht ne humbëm disa nga bashkëpunëtorët tanë," tha burri, duke sqaruar se nuk e dinte se sa nga kolegët e tij u qëlluan. Një grua foli për mediat duke treguar se vëllai i saj, një punonjës 20-vjeçar i dyqanit, u qëllua vetëm 10 minuta pasi kishte hyrë në punë. Ai mbeti i plagosur dhe ishte në gjendje të fliste me të afërmit. Ndërkohë vijojnë hetimet.
