Mbi dhjetë shpërthime janë regjistruar mëngjesin e sotëm në Kiev, nga Rusia.
Nga sulmi me raketa ruse në Kiev, 5 persona kanë humbur jetën dhe 11 të tjerë janë plagosur.
Shpërthime ka pasur në qendër të Kievit dhe më të forta kanë qenë pranë zonës së parkut Taras Shevchenko, ndërsa janë dëgjuar edhe në lagjet Podil dhe Nyvky.
Kryetari i bashkisë së Kievit Vitali Klitschko shpjegoi se mbrojtja ajrore u aktivizua në periferi të kryeqytetit dhe se një zjarr shpërtheu pas sulmit me raketa.
Ndërsa, presidenti Volodymyr Zelensky njoftoi në Telegram se më shumë se 40 raketa të ndryshme sulmuan disa zona.
"Terroristët rusë sulmuan përsëri Ukrainën me raketa. Disa qytete: Kiev, Dnipro, Kryvyi Rih, Sloviansk, Kramatorsk. Më shumë se 40 raketa të llojeve të ndryshme. U dëmtuan ndërtesa banimi, infrastrukturë dhe një spital për fëmijë", shkruan ai.
Lajmi kryesor:
Lufta/ Rusia godet me 40 raketa Ukrainën, të paktën 36 të vdekur! Shkatërrohet spitali për fëmijë! Zelensky firmos me Tusk: Polonia mund të rrëzojë raketat ruse në qiellin e Kievit
S.B/ReportTv.al
