ilustruese

Bota

Sulme të reja në Gaza/Forcat izraelite nisin ofensivë në pjesën qendrore të territorit

Pas një të diele të përgjakur me të paktën 85 të vdekur, ushtria izraelite bëri thirrje në orët e para të kësaj të hëne që banorët në Deir al-Balah të largohen nga vendqëndrimet e tyre. Mediat izraelite raportojnë se ushtria ka prezantuar një plan për kontrollin total të rripit të gazës. Aksioni i IDF po zhvillohet nga toka dhe ajri. 

21 Korrik, 10:29| Përditesimi: 21 Korrik, 16:31

  • Share

Ushtria izraelite nisi një sulm tokësor dhe ajror në qytetin Deir al-Balah, në Rripin qëndror të Gazës, duke shkaktuar valë të reja të zhvendosjes së civilëve. Operacioni filloi këtë mëngjes, disa orë pasi ushtria izraelite lëshoi paralajmërime për evakuim për banorët e gjashtë blloqeve të banimit në pjesën jugperëndimore të qytetit.

Gjatë fundjavës, BBC dhe organizata të përqëndruara në Gaza, thanë se 70% e banesave në të gjithë Rripin e Gazës janë shkatërruar dhe janë të pabanueshme, ndërsa Izraeli akuzohet se kërkon të bëjë spastrim dhe pushtimin e plotë të territorit.

E diela u mbyll me një bilanc të rëndë, ku të paktën 85 persona u vranë teksa ishin në pritje për të marrë ndihma. Po të dielën, IDF tha se sulmet ndaj Hamasit do të vijojnë. 


Lajmi kryesor:

Izraeli zhvillon ofensivën tokësore në Gazën qendrore! 26 vende nënshkruajnë deklaratën e përbashkët: Lufta të ndalet tani! Telefonatë mes Papa Leonit dhe Abu Mazenit
A.I/SI.E./ReportTv.al
Komento

Komente

  • Sondazhi i ditës:

    Si po menaxhohet situata me zjarret?