Hungaria thuhet se ka bllokuar një deklaratë të Bashkimit Evropian drejtuar 27 shteteve anëtare pas sulmeve me raketa në Kiev, të cilat shënjestruan edhe delegacionin e BE -së në kryeqytetin ukrainas, raporton La Repubblica. Budapesti ka kundërshtuar pothuajse të gjitha formulimet e propozuara, përfshirë frazën "Rusia duhet të ndalojë vrasjet dhe të tregojë një interes të sinqertë për paqen".
Nga ana tjetër, Moska akuzoi BE-në si bashkëpunëtore në veprimet terroriste, siç e cilëson ajo, të Kievit. Sipas zëdhënëses së ministrisë së Jashtme, Maria Zakharova, Brukseli i ka dhënë leje të plote Kievit që të sulmojë infrastrukturën energjetike ruse, duke iu referuar sulmeve ndaj tubacionit të naftës Druzhba, i cili furnizon Hungarinë dhe Sllovakinë nga Rusia.
Sakaq, zëdhënësi i Kremlinit, Dmitry Peskov tha gjithashtu sePutin nuk e përjashtuar mundësinë e një takimi me Zelenskyn, por duhet të jetë i përgatitur mirë, shtoi ai.
"Është e qartë se Bashkimi Evropian i ka dhënë fjalë për fjalë regjimit të Kievit leje të plotë për të sulmuar çdo infrastrukturë energjetike ruse, duke u bërë kështu, de facto, bashkëfajtor në veprimet terroriste të Kievit", deklaroi ajo.
Numri i të vdekurve nga sulmet e Rusisë në Kiev dje u rrit në 23, përfshirë 4 famijë. 53 të tjerë u plagosën. Mes ndërtesave që pësuan dëmtime ishte edhe ajo e delegacionit të BE-së në Kiev dhe e Këshillit Britanik. Presidenti ukrainas, Volodymyr Zelensky tha se 8 persona janë ende të zhdukur ndërsa iu bëri thirrje sërish aleatëve që të vendosin sanksione më të ashpra ndaj Rusisë.
"Kur Rusia zgjedh raketat balistike mbi diplomacinë, për të vazhduar modernizimin e droneve Shahed për vrasje dhe për të forcuar bashkëpunimin me aktorë si Koreja e Veriut, kjo do të thotë që bota duhet të përgjigjet në përputhje me rrethanat. Ne kemi nevojë për sanksione të ashpra, presion të fortë dhe hapa vendimtarë në mënyrë që vrasësit të mos ndiejnë një ndjenjë pandëshkueshmërie. Rusia e kupton vetëm forcën dhe tani ne kemi nevojë për demonstrime force. Shtetet e Bashkuara, Evropa dhe G20 e kanë këtë forcë.", tha Zelensky.
Ministri i Jashtëm turk, Hakan Fidan ka deklaruar në një intervistë për TGRT Haber se Rusia ka reduktuar kërkesat e saj territoriale në Ukrainë dhe se është e gatshme të ndërpresë luftimet nëse i jepet i gjithë rajoni i Donbasit.
Sipas Fidan, ekziston gjithashtu një marrëveshje paraprake që parashikon "kthimin e 25-30 përqind të Donetskut dhe mirëmbajtjen e vijës së kontaktit në Zaporizhia dhe Kherson". Fidan nuk specifikoi se kush e arriti marrëveshjen paraprake për të cilën ai iu referua.
Ukraina ka hedhur poshtë vazhdimisht mundësinë e lëshimeve territoriale ndaj Rusisë, por presidenti Volodymyr Zelensky deklaroi më parë se Kievi duhet të sigurojë kthimin e territoreve përmes diplomacisë, jo në fushën e betejës.
Fidan pranoi në intervistë se do të ishte e vështirë për Ukrainën të hiqte dorë nga territoret e saj, përfshirë terrenin e fortifikuar që mund ta bënte atë të prekshme.
"Sapo të lirohet ky territor, zona e mbetur bëhet pak e vështirë për t'u mbrojtur strategjikisht. Por duke marrë parasysh mekanizmat dhe garancitë e sigurisë, duhet të shohim se si do të zhvillohet çështja", tha ministri turk.
Komente
