Presidenti Bajram Begaj ka dekretuar emërimin e Taulant Ballës si ministër i Brendshëm, pas shkarkimit nga Edi Rama të Bledi Çuçit si pasojë e dhunës së Rrajave për guroren. Tashmë i mbetet parlamentit që brenda 10 ditësh të shqyrtojë dekretin. Gjithçka pritet të mbyllet brenda këtij muaji, pasi për këtë legjislacion kanë mbetur dy seancat e fundit parlamentare, ajo e datës 13 dhe 20 korrikut.
Për postin e kreut të grupit parlamentar socialist që Taulant Balla lë bosh, në radhët e të majtës po diskutohen disa emra, më potencialët, Toni Gogu dhe Ermonela Felaj, të cilët pritet të marrin edhe pozicionet e tjera politike të Ballës, kryetar i delegacionit të parlamentit të Shqipërisë në Parlamentin Europian, si dhe zëvendës Kryetar i Këshillit Kombëtar të Integrimit Europian.
Vendimi i kreut të qeverisë për shkarkimin e Bledi Çuçit dhe emërimin e Ballës erdhi pas si pasojë e ngjarjes që tronditi opinionin publik, dhunën e fisit Rraja ndaj kushërinjve Maja për guroren në Krujë.
Episodi i sulmit barbar ndaj 2 qytetarëve solli dorëheqjen e deputetit Rrahman Rraja kur në mesin e agresorëve u identifikua djali i tij problematik Rexhep Rraja, por edhe dy vëllezërit Flamur e Xhelal Rraja, të gjithë në kërkim si organizatorë të episodit të tmerrshëm që e filmuan vet për të frikësuar banorët e tjerë që ankoheshin për dëmet në shtëpi nga gurorja, por që pa menduar u rrodhi në media.
Të gjithë panë si ky grup me familjarë të deputetit të dorëhequr tashmë ushtronin terror ndaj qytetarëve duke menduar se janë të paprekshëm. Dorëheqjen e publikuar në rrjetet sociale, Rrahman Rraja e dorëzoi zyrtarisht në Kuvend, dhe tashmë pritet që vendin e tij ta marrë Arkend Balla, icili renditet i pari me më shumë vota në listën e PS për Krujën.
Presidenti Begaj dekreton shkarkimin e Çuçit dhe emërimin e Ballës ministër të Brendshëm. Taulant Balla u propozua nga Rama pas shkarkimit të Çuçit për dhunën e fisit Rraja për guroren
Kanë mbërritur në presidencë kërkesat e kryeministrit Edi Rama për shkarkimin e Bledi Çucit dhe emërimin e Taulant Ballës në krye të Ministrisë së Brendshme.
“Referuar interesit tuaj mbi ardhjen në Institucionin e Presidentit të Republikës të propozimit për emërimin e z. Taulant Balla Ministër i Brendshëm, ju informoj që ky propozim sapo ka mbërritur”, thuhet në reagimin e presidencës.
Partia Socialiste zhvilloi ambientet e selisë së Kuvendit, një mbledhje të grupit parlamentar, e cila me sa duket do të drejtohet për herë të fundit nga Taulant Balla, i cili pritet të marrë drejtimin e Ministrisë së Brendshme.
Dy nga emrat potencialë, sipas burimeve për gazetarin e Report Tv Ermal Qori, të cilët mund të zëvendësojnë Taulant Ballën si drejtues grupi janë Ermonela Felaj dhe deputeti Toni Gogu.
Komente
Tani vertet shefi i policise se zones kercenonte me arrest banoret po te protestonin,po cfare faji kishte Cuci ne kete mes qe u shkarkua?!Cuci eshte i fundit ne hallken e zinxhirit pergjegjes.Me tere ato probleme qe ka policia ne Shqiperi,i bie qe min.e brendshem te nderohen cdo jave!
PërgjigjuVetem ne kete vend ndodh qe ndersa nje punonjes policie deshmon me ze e figure qe Balla ka marre pjese ne kercenimin ndaj atij punonjesi policie edhe permes armes se zjarrit, pra duke konsumuar nje dyzine veprash penale te renda: vrasje ne tentative, ne bashkepunim, kercenim, shperdorim detyre, korrupsion aktiv, moskallzim krimi, perkrahje e autorit qe fshihet krimit etj etj, mire qe kryeministri e promovin pasi ai eshte standarti i tij tashme, por prokuroria speciale cfare ka pritur e pret deri me tani??? Shokuese.
PërgjigjuSi ekspert i fushès sè sigurisè kibernetike dhe antiterrorizmit, me nuhatjen e lindur se nga vjen era e mishit tè pjekur, nè kombinim me atè ndjenjèn e viktimès qè i la aeroporti i Romès nga rrahja e dhèndrit tè Saliut,,plus vizitat nè Santiago Bernabeu,,,kemi profilin perfekt tè atij qè do ti kallè datèn krimit. Tan Leprat dhe Mond Qimet, do kenè netè pa gjumè tash e mbrapa,,,,nga e qeshura natyrisht.!!!
PërgjigjuBarjami me ne fund ka mundesine me i kthy borxhin Taos dhe mond begos per zgjedhjen e tij si President…
PërgjigjuDuket sikur Rama po eleminon figurat e forta ne parti me postet e ministrave te brendshem, njesoj sic beri me tahirin edhe me xhafen.
PërgjigjuHajde Tao trego veten, leri llapaqenet e Saliut e te Ilirit.. e kane me program ta hane zorren e Safetit deri me 2029. Trego veten para socialisteve se pari se ke shume pergjegjsi dhe ka shume skeptizisem edhe brenda PS per ty. Me krahe te lehta.
PërgjigjuTurpi shekullit
Përgjigju