Zyrtarët amerikanë kanë paralajmëruar se një fushatë e sofistikuar e hakerimit e zbuluar këtë javë përbën një "rrezik të madh" për qeverinë dhe sektorin privat. Institucionet më të larta, përfshirë Departamentet e Thesarit dhe Tregtisë të SHBA, ishin midis atyre që u sulmuan.
Agjencia e Sigurisë Kibernetike dhe Agjencia e Sigurisë së Infrastrukturës (Cisa) , deklaruan se për ta do të jetë një sfidë e vërtetë prishja e këtij sulmi. Edhe pse ende nuk ka një fajtor, qeveria ruse dyshohet si përgjegjëse. Ajo ka mohuar pretendimet.
Në deklaratën e Cisa , theksohet se agjencitë qeveritare amerikane ishin shënjestruar nga sulme të shumta kibernetike duke filluar të paktën në Mars 2020.
Ndërkohë, Presidenti i zgjedhur i SHBA Joe Biden tha se ai do ta bënte çdo gjë për të arritur sigurinë kibernetike dhe kjo do të ishte përparësi e administratës së tij.
"Ne duhet të përçajmë dhe të parandalojmë kundërshtarët tanë nga ndërmarrja e sulmeve të mëdha kibernetike," tha ai. Duke paralajmëruar gjithashtu ndëshkimin e atyre që ndërmarrin fushata të tilla.
Cisa tha që autorët e krimit arritën të thyejnë sistemet e sigurisë së institucioneve amerikane, duke përdorur softuerin e menaxhimit të rrjetit të bërë nga kompania me bazë në Teksas SolarWinds.
Deri në 18,000 klientë të SolarWinds Orion shkarkuan azhurnime të cilat mundësojnë thyerjen e sistemit të sigurisë. Të gjitha agjencive civile federale të SHBA u thanë të hiqnin SolarWinds nga serverat e tyre në fillim të kësaj jave si rezultat i sulmit.
Komente
Rusis i ndihmon Trapi
Përgjigju