Ka përfunduar Gjyqi ndaj 14 personave të akuzuar për lidhje me sulmet ndaj gazetës satirike “Charlie Hebdo” dhe një supermarketi hebre në Paris u mbyll të mërkurën me shumë persona të dënuar për akuza të lidhura me terrorizmin.
Hajat Bumedien, bashkëshortja e atentatorit Amedi Kulibali, u dënua me 30 vjet burg në mungesë, pasi mendohet se është arratisur në Siri dhe ku pretendohet se është ende gjallë.
Ndërkohë, i dyshuari kryesor, Ali Riza Polat, u shpall fajtor për “bashkëpunim në akte terroriste”.
Ai u dënua gjithashtu me 30 vjet burg, edhe pse prokurorët kërkuan burgim të përjetshëm, për 6 nga të pandehurit, paneli i gjyqtarëve nuk i klasifikoi krimet e tyre si “terrorizëm” për shkak të mungesës së provave.
Pas dhwnies se vendimit reaguan avokatët dhe anëtarët e familjes sw viktimave tw cilwt e panw si njw goditje ndaj kwtij shtrembwrimi tw fesw Islame, ose “fashizwn tw islamizmit” siç e quajnw disa.
Patrick Klugman, një avokat i të mbijetuarve nga sulmi në treg, tha se vendimi u dërgoi një mesazh simpatizantëve.
"Ne fajësojmë xhelatin, por në fund të fundit është më keq të jesh shërbëtori i tij," tha ai.
Sulmet ndodhën më 7 dhe 9 janar, duke lënë 17 persona të vdekur, përfshirë tre atentatorët dhe gjyqi ndaj tyre ka nisur prej javësh.
