Me bindjen se më 11 Maj do të fitojë, Berisha foli edhe për tarifat doganore të Donald Trump, nga të cilat preket edhe Shqipëria. Kreu i PD 'harroi' që është non grata dhe faktin se DASH e përmendi në raportin e fundit, ndërsa tha se pas 11 majit do të negociojë me amerikanët për të hequr tarifat.
"Një gjë dua të ju them. Që kur ka dalë kjo çështje, unë e kam ndjekur, por çfarë kam konstatuar. Në disa shkrime serioze, kam konstatuar vendet e tjera kishin vendosur kishin vendosur tarifa shumë më të larta ndaj prodhimeve amerikane se sa SHBA ndaj vendeve të tyre. Ky ishte një studim krejt i paanshëm, madje mund të thosha një studim nga linja që nuk janë shumë në këtë orientim. Nëqoftëse një veturë jo prodhim amerikan, tarifohej me 3% në SHBA, vetura amerikane tarifohej me 10%, me trefishin e saj.
Por reale, mund të them se kishte vend që kishte 17% tarifën, ndërkohë që SHBA e kishte tarifën 3% për ta. Çështja e tarifave është një çështje globale e cila nuk mund të jetë njëanshmëri, nuk shkohet me njëanshmëri se dihet ndikimi që ka në prodhim. Ajo që dëgjuat këtu, ‘Made in Albania’ është drejtim themelor i kohës për ekonominë. Prodhim, prodhim, prodhim. Sepse shpërndarja e pabarabartë e prodhimit, rënia vetëm pas komponentit financiar, rrezikojnë për ekonomi jo të qëndrueshme. Pra ky është komenti im për tarifat, negociata, negociata, negociata, pas 11 majit.", tha Berisha.
Sipas Berishës, vendimi i Trump lidhet me tarifat jo proporcionale të vendeve të tjera ndaj prodhimeve të SHBA-së.
“Kam konstatuar vendet e tjera kishin vendosur tarifa shumë më të larta ndaj prodhimeve amerikane se sa SHBA ndaj vendeve të tyre. Nëqoftëse një veturë jo prodhim amerikan, tarifohej me 3% në SHBA, vetura amerikane tarifohej me 10%, me trefishin e saj”, tha Berisha.
Pavarësisht premtimit për të negociuar me Donald Trump, Sali Berisha vijon të jetë non-grata në Shtetet e Bashkuara të Amerikës. Ky i fundit nuk e ka fshehur se me rikthimin e Trump shpreson që ndryshimin e qëndrimit të departamentit të shtetit mbi përfshirjen e tij në listën e të pa-dëshiruarve të SHBA.
Kreu i PD Sali Berisha e quan pasojë të përplasjeve brenda Partisë Socialiste dhe ndikimit që partia në pushtet ka mbi drejtësinë, ndërhyrjen në email-et e Strukturës së Posaçme.
Në një konferencë për mediat Berisha përmendi se ndërhyrjet në sistem janë një arsye më shumë për të reformuar SPAK-un. Kreu i PD tha se u kthye sërish koha kur dosjet kalojnë në PS para se të shkojnë në gjykatë.
"U kthye koha kur dosjet para se të shkojnë në Gjykatë, shkon në PS, tani hakerohen, a është hakerohen apo jo, do e shohim, por është shumë shumë e rëndë. Luftë mes grupeve në PS. Xhafaj, pastori, bushka duhet të akuzohen me cdo kusht, është si historia e statuseve të Erion Veliajt. Statuset i shkruajte Rama, SPAK i përgjigjet Veliajt. Edhe hakerimin duan t'a faturojnë Fatmir Xhafës. Qytetarët po kuptojnë çdo ditë e më shumë ndikimin e qeverisë te SPAK-u.", tha Berisha.
Komente
Po te lutem edhe nje here o plak budalla:Fol e trego thjeshte vetem e vetem nje here te verteten per qofte edhe per nje gje.U lodhem me genjeshtrat e manipulimet e pabesushme tuajat o bandit,mashtrues,intrigant qe pjelle fantazia yte o i mjere.
PërgjigjuKy duhet varosur me vote. Po puna ehste ke te varrosesh me pare nga gjithe keta monstra qe jane reshtuar ne votime.
PërgjigjuKy ka rrjedh krejt.
Përgjigju