Për Anëtarin e Këshillit të Ambasadorëve, Anton Berisha tha për Report Tv Rusia me agresionin ndaj Ukrainës do që të rikthejë Bashkimin Sovjetik, duke shtuar se Putin njeh vetëm gjuhën e forcës dhe jo atë të paqes dhe diplomacisë.
Ai tha se dita e sotme për Rusinë ishte një “sukses”, ndërsa shtoi se ditët në vijim do të jenë kritike për sa i përket pushtimit të Ukrainës.
“Nuk ka asnjë mundësi që lufta të përfundojë, sepse Rusia qartazi do të rikthejë Bashkimin Sovjetik. Rusia njeh vetëm gjuhën e forcës, unë nuk besoj që diplomacia ka vend në rastin e Rusisë. Dita e sotme ka qenë e suksesshme për Rusinë.”, tha ai.
I ftuar në “Studio Live” me gazetaren Migena Sotiri, Berisha tha se sanksionet e ndërkombëtarëve ndaj Rusisë janë të pamjaftueshme dhe se nuk kanë asnjë efekt në pozicionin ushtarak të saj.
“Vendosja e sanksioneve është e drejtë, por e pamjaftueshme. Nëse këtë fazë nuk kanë asnjë efekt në ndryshimin e pozicionit ushtarak të Rusisë. Rusia ka qenë në dijeni për këto sanksione, por Putin i ka marrë parasysh të gjitha. Siç e pamë ai ka qenë edhe në Kinë.”, tha ai.
Anëtar i këshillit të Ambasadorëve i pyetur nëse kjo luftë ishte e pritshme, tha se Putin e kishte bërë të qartë për situatën që do të vinte.
“Ishte e pritshme, lufta në Ukrainën ka filluar që në 2014, ajo nuk është ndërprë asnjëherë në fakt. Deklaratat e presidentit e bën të qartë gjithçka për situatën që do të vinte.”, tha ai.
Komente
Ai qe kalon hunjte e gardhit njeri do ti ngulet z. Anton
Përgjigju