OSLO- Një sulm terrorist u regjistrua mbrëmjen e djeshme në Oslo në një lokal homoseksualësh. Mediat e huaja kanë nxjerrë pamjet ku duket momenti kur ekstremisti islamik ka mbërritur në ambientet e lokalit dhe ka nxjerrë nga një çantë armën me të cilën ka qëlluar. Për pasojë, dy persona humbën jetën dhe 14 të tjerë mbetën të plagosur
Për pasojë, një paradë e LGBTQI+ e planifikuar për këtë të shtunë në Oslo është anuluar.
Dëshmitarët thanë se autori i ngjarjes i kishte të qarta synimet e tij dhe tregojnë se shumë persona u plagosën rëndë.
Edhe kancelari gjerman, Olaf Scholz është shprehur i tronditur. Sulmi kundër komunitetit queer e trondit atë thellë, shkroi Scholz në Twitter. Mendimet e tij janë me të afërmit e familjarët. Scholz u uron të plagosurve shërim të shpejtë. "Populli norvegjez mund të jetë i sigurt për solidaritetin tonë. Lufta kundër terrorit na bashkon."
Një 42-vjeçar është arrestuar dhe akuzuar për vrasje, tentativë vrasjeje dhe akte terroriste pas të shtënave në qendër të kryeqytetit të Norvegjisë, Oslo.
Për pasojë humbën jetën dy persona dhe 21 u plagosën në atë që policia e quajti një "akt të terrorizmit islamik". Të shtënat ndodhën brenda dhe pranë London Pub, lokal homoseksualësh, si dhe dy lokale të tjera nate.
