Moske- Maskra me 144 të vrarë në Moskë, e marrë përsipër nga ISIS- K, sipas Ankarasë zyrtare nuk do të kishte ndodhur pa mbështetjen e shërbimeve sekrete të huaja.
"Kjo nuk mund të ndodhë pa mbështetjen e inteligjencës së ndonjë vendi. E vërteta është se ISIS nuk është në gjendje të kryejë një sulm të tillë vetë. Veprime të tilla kanë një sponsor," është deklarata e bërë nga Omer Çelik, zëdhënës i partisë qeverisëse turke AKP për mediat turke.
Ndërkohë në Taxhikistan janë arrestuar 9 persona lidhur me sulmin terrorist në sallën e koncerteve "Crocus City Hall" në kryeqytetin e Rusisë, Moskë, transmeton Anadolu.
Pretendohet se këta persona kanë lidhje me organizatën terroriste DEASH.
Mediat vendase raportuan se oficerët e policisë së Taxhikistanit morën në pyetje me homologët e tyre rusë të afërmit e 4 shtetasve taxhikë në vend, të cilët u kapën pas sulmit.
-Sulmi terrorist ndodhi mbrëmjen e 22 marsit 2024,në sallën e koncerteve "Crocus City Hall" në Moskë.
Në pamjet e ndara në mediat sociale, shihej se agresorët hapnin zjarr me armë automatike pa dallim ndaj të pranishmëve në sallë.
