Bastisjet turke me dron kanë vrarë të paktën 27 civilë në Siri në një përshkallëzim ushtarak 24 orësh. Lajmin e ka bërë të ditur Observatori Sirian për të Drejtat e Njeriut.
"Forcat turke kanë intensifikuar sulmet e tyre ajrore dhe tokësore në Sirinë veriore dhe lindore që nga e enjtja", tha Observatori.
Më tej ai theksoi se kishte dokumentuar 45 sulme me dronë dhe katër sulme avionësh luftarakë që synonin infrastrukturën, përfshirë ujin, energjinë elektrike dhe stacionet e benzinës.
Turqia ka nisur sulme ajrore kundër militantëve kurdë në Irak dhe Siri, pas një sulmi terrorist në selinë e kompanisë turke të hapësirës ajrore dhe mbrojtjes (TUSAS),
Ngjarja ndodhi më 23 tetor 2024, 50 kilometra larg Ankarasë. Të paktën 5 pesë persona vdiqën dhe 22 të tjerë u plagosën. Lajmin e sulmit e njoftoi ministri i Brendshëm turk, Ali Yerlikaya të cilin e konsideroi një sulm terrorist.
