Mediat amerikane kanë publikuar momentin kur autori i sulmit terrorist në New Orleans hyri në turmën që po festonte ndërrimin e viteve dhe vrau të paktën 15 persona dhe plagosi dhjetëra të tjera duke gdhirë 1 Janari 2025 në SHBA.
Autoritetet po hetojnë mundësinë që mund të ketë të tjerë të përfshirë në sulm, ndërsa përpiqen të mbledhin më shumë informacion rreth sulmuesit Shamsud-Din Jabbar.
Hetime edhe për të përcaktuar motivin e sulmit nga ish-ushtaraku, të cilit iu gjet flamur i ISIS në makinë, para se të vetëvritej siç u raportua.
Në videon e publikuar nga New York Post, duket kamioni i bardhë i 42-vjeçarit që fillimisht kalon ngadalë në rrugën kryesore dhe kur i afrohet një prej mjeteve të policisë i parkuar në hyrje të rrugicës ku po festohej, merr kthesë të befasishme dhe me shpejtësi të lartë.
Hyn në turmë dhe gjithçka tjetër më pas është e njohur nga raportimet. Teksa makina e policisë e ndjek nga pas dhe njerëzit nisin të vrapojnë nga frika mes ulërimave.
Nga hetimet janë zbuluar problemet e mëdha financiare të autorit, divorci i përjetuar dhe shfaqja si fans i ISIS. Video nga vendi i sulmit po bëjnë tashmë edhe xhiron e internetit.
Lajmi kryesor:
Sulmi terrorist në SHBA, shkon në 15 numri i viktimave, 35 të plagosur! Biden: Vrasësi, veteran amerikan i frymëzuar nga ISIS! Zbulohen pamjet e sulmit (VIDEO)
A.Q/ReportTv.al
