GREQI- Policia greke ka plagosur një 30-vjeçar shqiptar gjatë një operacioni antidrogë pasi ky i fundit qëlloi me kaçavidë oficeren e policisë. Shqiptari dhe oficerja 35-vjeçare u plagosën gjatë bastisjes së një kampusi të përshtatur për trafik droge në Zografou të Universitetit Kombëtar Teknik të Athinës. I riu është identifikuar si Esmin Ferhati.
I riu shqiptar, ka qenë i shpallur në kërkim më parë për trafik droge, armëmbajtje pa leje si dhe grabitje. Në saj të operacionit të policisë, oficerja nuk u ndje mirë dhe vendosi të largohej me makinën e saj private dhe më pas u sulmua me kaçavidë nga 30-vjeçari shqiptar.
Për të mbrojtur veten e saj punonjësja e policisë qëlloi me armën e shërbimit në këmbë 30-vjeçarin.
Incidenti ndodhi gjatë një operacioni policor në konviktet e vjetra të kampusit, të cilat njihen si zona ku rrinë bandat që shpërndajnë drogë dhe plaçkisin shtëpi, veçanërisht në periferitë të zonave të Zografou, Kaisariani dhe Vyronas.
“Hyrja në Angli kushton 4500 paund”, shqiptarit i bëhet me kamera të fshehtë, dyshohet të jetë trafikant
Operacioni përfshinte gjithashtu bastisje në shtëpitë e të dyshuarve në pjesë të ndryshme të kryeqytetit grek, shkruan media greke.
Sipas informacioneve nga burime policore, deri më tani janë arrestuar në total nëntë persona.
Personi që shihni në foto është Esmin Ferhati, 30-vjeçari që plagosi me kaçavidë oficeren e policisë greke. I riu shpërndante drogë dhe grabiste disa zona perfikerike në Greqi. Pas sulmit të oficeres, kjo e fundit për vetmbrojtje plagosi Ferhatin në këmbë.
