Kryeministri i Mbretërisë së Bashkuar, Rishi Sunak, ka njoftuar zyrtarisht se ka anuluar linjën e planifikuar hekurudhore HS2 nga Birmingham në Manchester, kjo për shkak te vështirësive financiare.
Sunak tha se qeveria do të investojë 36 miliardë paund të kursyera nga HS2 në projekte të tjera transporti në të gjithë vendin, duke përfshirë një sërë skemash rrugore, raporton CNN.
HS2 kishte tejkaluar në kosto dhe planet tha Sunak, duke shtuar: “Faktet kanë ndryshuar dhe gjëja e duhur për të bërë kur faktet ndryshojnë është të kesh guximin për të ndryshuar drejtimin”.
Paratë e kursyera do të riinvestohen në "qindra" projekte të reja transporti në zonat e mesme angleze dhe në veri të Britanisë, tha Sunak në Konferencën e Partisë Konservatore në Mançester në veri të Anglisë.
“Kjo do të thotë 36 miliardë paund investime projekte që do të bëjnë një ndryshim të vërtetë në të gjithë vendin tonë. Plani ynë do të nxisë shumë më tepër rritje dhe mundësi këtu në veri se sa një tren më i shpejtë për në Londër ndonjëherë", tha Sunak.
