Receta

Supë me oriz, vezë dhe limon nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

17 Korrik, 11:17| Përditesimi: 17 Korrik, 11:18

  • Share

Supë me oriz, vezë dhe limon

Përbërësit:

  • 1 filxhan çaji oriz
  • 1.2 litra lëng pule
  • 2 vezë
  • 1-2 limona
  • 1 lugë gjelle vaj ulliri
  • Kripë e piper sipas shijes
  • Pak majdanoz i grirë

Përgatitja:

Në një tenxhere hedhim lëngun e pulës dhe e lëmë të vlojë. Shtojmë orizin, e lëmë të ziejë në zjarr mesatar derisa të zbutet (rreth 15 minuta). Shtojmë pak kripë e piper. Nderkohë përgatitim salcën me vezë dhe limon. Në një tas rrahim mirë vezët me një pirun ose rrahëse dore. Shtojmë lëngun e limonit dalëngadalë, duke e përzier vazhdimisht. Marrim pak nga lëngu i nxehtë i supës (2-3 lugë) dhe e shtojmë pak e nga pak në përzierjen me vezë e limon, duke e përzier shpejt që të mos priten vezët. Heqim supën nga zjarri dhe shtojmë përzierjen me vezë e limon, duke e trazuar me kujdes. Supën e shërbejmë të ngrohtë, me pak vaj ulliri sipër dhe majdanoz, nëse dëshirojmë mund t'a shoqërojmë me pak bukë të thekur.

MC/ReportTv.al
Komento

Komente

  • Sondazhi i ditës:

    Akademi për trajnimin e administratës lokale, si e vlerësoni?