Receta

Supë me perime, zgjedhja ideale në çdo stinë nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

3 Mars, 11:04| Përditesimi: 3 Mars, 11:05

  • Share

Supë me perime

Përbërësit:

  • 1 qepë e vogël
  • 1 karrotë
  • 1 patate
  • 1 kungull i njomë
  • 1 domate
  • 1 gotë spinaq ose lakër e grirë
  • 2 lugë vaj ulliri
  • 1 thelpi hudhër
  • 1 litër lëng perimesh ose ujë
  • ½ lugë çaji shafran Indie
  • ½ lugë çaji rigon ose majdanoz të freskët
  • Kripë dhe piper sipas shijes

Përgatitja:

Në një tenxhere ngrohim vajin e ullirit dhe kaurdisim qepën dhe hudhrën derisa të bëhen të tejdukshme. Shtojmë karrotën dhe pataten dhe i lëmë të skuqen pak për 2-3 minuta. Më pas shtojmë domaten e grirë në rende, kungullin në kubikë, spinaqin (ose lakrën) dhe i përziejmë mirë. Hedhim lëngun e perimeve ose ujin, shtojmë kripën, piperin dhe shafranin e Indisë. E lëmë supën të ziejë për 20-25 minuta derisa perimet të zbuten. Në fund shtojmë rigonin ose majdanozin për një aromë të freskët.

MC/ReportTv.al
Komento

Komente

  • Sondazhi i ditës:

    A nxorën primaret e PD-së kandidatët më të mirë për 11 majin?