Receta

Supë pule e prerë me vezë dhe limon nga zonja Albana

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00.

5 Shkurt, 11:26| Përditesimi: 5 Shkurt, 11:28

  • Share

Supë pule e prerë me vezë dhe limon

Përbërësit:

  • 4-5 krahë pule
  • 1 litër ujë
  • 1 karrotë
  • 1 patate mesatare
  • 1 filxhan kafeje oriz
  • 1 lugë gjelle vaj ulliri /gjalpë
  • 1 vezë
  • Lëngu i një limoni
  • Kripë dhe piper sipas shijes

Përgatitja:

Vendosim krahët e pulës në një tenxhere me ujë dhe i lëmë të ziejnë për rreth 20 minuta. Heqim shkumën që krijohet sipër për një lëng më të pastër. Shtojmë karrotën, pataten dhe vajin dhe i lëmë të ziejnë për 10 minuta. Më pas shtojmë orizin, e përziejmë herë pas here, duke e lënë të gatuhet derisa të zbutet. Rregullojmë shijen me kripë dhe piper sipas dëshirës dhe në fund e presim supën me vezë dhe limon. Në një tas rrahim vezën, shtojmë lëngun e limonit dhe pak nga lëngu i supës. E shtojme tek supa, e lëmë në zjarr të ulët për 2-3 minuta dhe më pas e servirim të ngrohtë. 

 

MC/ReportTv.al
Komento

Komente

  • Sondazhi i ditës:

    Informaliteti e nëndeklarimi pagave po dëmtojnë pensionet, sa po luftohen?