Supë pule nga zonja Lefteri Gjoshe

Në këtë hapësirë të faqes tonë do të gjeni mënyrën e përgatitjes së recetave të gatimit të ideuara nga Zonja Albana. Këto receta Zonja Albana i gatuan çdo ditë në emisionin Rreze Dielli nga ora 09:00 – 10:00. Herë pas here rubrikës së gatimit i bashkohen amvisa dhe shefa të ndryshëm kuzhine.

26 Mars, 12:05| Përditesimi: 26 Mars, 12:06

  • Share

Supë pule   

Përbërësit:

  • 1 fileto pule
  • 2 patate mesatare
  • 2 karrota
  • 1 degë selino
  • 3 thelpinj hudhra
  • 1 qepë
  • 2 lgj vaj ulliri
  • 1 lgj gjalpë
  • 1 limon
  • 1 gjethe dafine
  • 1 tufë majdanoz
  • Arrë moskat
  • Kripë, piper i bardhë

Përgatitja:

Fileton e pulës e presim në kubikë të vegjël dhe e vendosim të ziejë. Paralelisht vendosim në një enë tjetër patatet, karrotat dhe selinon të ziejnë. Pasi të jenë zbutur plotësisht perimet i frulatojmë. Tek fileto e pulës që po zjen shtojmë një lugë gjalpë, pak vaj ulliri, hudhrën e shtypur, qepën e grirë imët dhe një gjethe dafine. E lëmë supën të marrë valë dhe në fund shtojmë perimet e frulatuara. Rregullojmë shijen me kripë, piper dhe arrë moskat. Largojmë gjethen e dafinës dhe shtojmë majdanozin e grirë imët.

MC/ReportTv.al
Komento
  • Sondazhi i ditës:

    Vrasja e 14 vjeçarit, çfarë duhet të bëjë Shqipëria me TikTok e Snap Chat?