Vetëm një fitore në 12 javë kampionat, ky është bilanci dramatik i KF Tiranës këtë sezon në Superligë. Bardheblutë e Bledi Shkëmbit u mposhtën 1-0 në Rrogozhinë nga Egnatia. Ndërkohë për raundin e 12-të në Superligë, këtë të diel Vllaznia fitoi 2-0 kundër Skënderbeut dhe sheh veten në pozitën e parë.
Në "Loro Boriçi" Vllaznia vendase fitoi 2-0 kundër Skënderbeut dhe gdhin në vendin e parë, të paktën deri në ndeshjen e së hënës së Partizanit. Golat e Balaj dhe Dodaj në pjesën e parë i dhanë tri pikë djemve të Thomas Brdaric.
Në stadiumin e Rrogozhinës vendasit e Egnatias mundën 1-0 Tiranën dhe u rikthyen pas tre ndeshjeve te suksesi. Një gol me kokë i Edison Ndrecës vendosi ndeshjen në minutën e 41-të. Në zhvillimet e një këndoreje Ndreca nuk gaboi me kokë duke përfituar nga një dalje e pa studiuar e Selmanit. Kjo është humbja e tretë për Tiranën që sheh vetëm një fitore këtë sezon dhe me 11 pikë vijon të mbajë vendin e shtatë. Ndërkohë Egnatia pas tre ndeshjeve pa fitore shijon suksesin e plotë dhe është në ndjekje të kryesuesve të Partizanit. Kjo ishte fitorja e parë e Egnatias kundër Tiranës si pritëse.
Superliga, raundi 12-të:
E diel, 03 nëntor 2024
14:00 Egnatia 1-0 Tirana
17:00 Vllaznia 2-0 Skënderbeu
E hënë, 04 nëntor 2024
14:00 Bylis - Laçi
18:00 AF Elbasani - Dinamo
18:00 Partizani - Teuta
Renditja:
