Futbolli elitar shqiptar zhvilloi katër nga pesë ndeshjet e raundit të parë për sezonin 2025-26. Në stadiumin 'Arena e Demave' në Tiranë, Partizani triumfoi 1-0 kundër debutuesve të Vorës. Autogoli i Serjan Repajt në minutën e nëntë vendosi gjithçka, por duhet thënë se 'Demat' vuajtën kundër debutuesve të Vorës. Trajneri Mladen Milinkovic debuton me tri pikë për të kuqtë, por ka ende punë para. Incidenti më i diskutueshëm erdhi në minutat e fundit, kur gjyqtarja Emanuela Rusta tregoi dy herë kartonin e verdhë për lojtarin Shanaj, por harroi ta nxirrte nga fusha me të kuq.
Në ndeshjet e tjera spikati fitorja 2-0 e Vllaznisë kundër kampionëve në fuqi të Egnatias, apo tri pikët e AF Elbasanit kundër Flamurtarit. Bie në sy se golat në këtë raund ishin me 'pikatore'.
Ndërkohë sfida e javës së parë mes Teutës dhe Dinamos është shtyrë për në datën 5 shtator në orën 17:00, kjo për faktin se Dinamo është e angazhuar në Conference League.
Superliga shqiptare, raundi i parë:
Vllaznia 2-0 Egnatia
Bylis 0-0 Tirana
AF Elbasani 1-0 Flamurtari
Partizani 1-0 Vora
5 shtator Teuta - Dinamo (17:00)
Renditja:
Komente
