Kylian Mbappe nuk e ka fshehur kurrë se është një tifoz i Milanit, por të mërkurën ‘ylli’ i futbollit francez do të luajë kundër skuadrës italiane për Champions League. Një ndeshje grupi e Paris SG shumë e rëndësishme, në një kohë kur Milan është i etur për pikë.
Duke parë rëndësinë e sfidës, ‘Gazzetta dello Sport’, ka intervistuar mamanë e Mbappe-s, Fajza Lamari, e cila është shprehur: “Kur ai vinte në shtëpi, fliste vetëm për Milanin. Nëse Milani humbte, Kilian përplaste telekomandën dhe fillonte të shante në italisht.
Gjithsesi kur luante ‘PlayStation’ ai gjithmonë zgjidhte Realin e Madridit. Mbante veshur fanellën e Robinjos në stërvitje dhe nuk e hiqte as kur shkonte në shtrat.
Nëse do të na kishin thënë përpara 15 vitesh që ai do të ishte protagonist në një sfidë mes PSG-së dhe Milanit, ne nuk do e besonim kurrë”, u shpreh e ëma e Mbapesë.
