Në stërvitjen e paraditës së sotme te Albacete ka patur një surprizë. Për herë të parë pas dëmtimit horror është rikthyer Rei Manaj, I cili në pamundësi për t’u stërvitur me grupin ka takuar shokët e skuadrës. Këta të fundit të befasuar nga vizita e sulmuesit shqiptar kanë ndërprerë stërvitjen për ta takuar.
Më pas, Manaj me disa të çara në buzë, me hundën e thyer dhe disa dhëmbë që i lëvizinin në gojë u ndal për të dhënë një intervistë për mediat.
“Jam shumë më mirë pas 4 ditësh. Këtë mëngjes më në fund bëra dush dhe pastrova gjakun që kisha në fytyrë. Kam hundën e thyer dhe disa dhëmbë që më lëvizin. Vazhdoj të jem pak I tronditur, por besoj që është për shkak të traumës.
E konsideroj veten me fat. U zgjova në spital duke qarë dhe nuk dija asgjë. Gjëja e parë që bëra ishte të shikoja videon e dëmtimit dhe pas 5 orëve e kuptova se çfarë kishte ndodhur,”-tha fillimisht Manaj.
“Më vizituan disa nga futbollistët e Granda-s në spital, nuk mund të fajësoi asnjë për këtë që ndodhi. Ky është futbolli dhe gjëra të tilla ndodhin. Doktorrët në Granada më thanë se duhet të qëndroj 3 javë në shtëpi. Këto 3 dit ndërkohë kam marrë shumë dashuri nga njerëzit në Albacete si dhe nga shumë vende të tjera. Nuk e di ekzaktësisht se kur do të rikthehem, këtë mëngjes pata testet për të vendosur maskën,” - mbylli Manaj.
Rey Manaj kthehet në stërvitje
//ReportTv.al