“Vetëm unë dhe PS mund ta kyçim Shqipërinë në BE”. Kështu u shpreh kryeministri Edi Rama në bashkëbisedimin live me ndjekësit në rrjete sociale. Sipas kreut të qeverisë, në zgjedhjet e 11 Majit, qytetarët nuk duhet të votojnë thjesht për PS, por për të marrë pasaportën e tyre evropiane, duke shtuar se bufi ka rrjedhur.
Rama paralajmëroi sërish të rinjtë që mos të përdorin VPN-të për të aksesuar TikTok, duke thënë se rrezikohen të dhënat.
“Meqë do e bëje Hilterin ti. Turp i madh përdorimi i këtyre lloje emrave. Megjithatë nuk ka problem. Ndërkohë VPN përdore por bëj shumë kujdes sepse duke e përdorur është hapur për marrjen në kohë reale të të dhënave. Është njësoj si ta përdorësh duke ndarë me të tjerët passëordin apo të dhënat. Por çështja këtu nuk është çështje Hitlerit, por është çështja TikTok në mënyrën si shërbehet në Shqipëri është shumë i rrezikshëm.”, tha Rama.
Kreu i qeverisë nuk kurseu ironinë edhe për Sali Berishën.
"Ka rrjedhur bufi i kënetës. Që është në rrjedhje duket qartë, por është çështje e moshës. Por them votoni për mua se vetëm unë dhe PS e bëjmë këtë hap të fundit për të kyçur Shqipërinë në BE. Kjo është e thjeshtë dhe e qartë. Nuk e bën dot askush tjetër, cilido tjetër minimalisht do të shkaktonte një shtyrje dhe vonesë dhe mbylljen e kësaj dere", tha Rama.
Kryeministri u ndal edhe te lufta kundër korrupsionit, duke thënë se ishte PS që e solli reformën në drejtësi dhe shumë njerëz me pushtet politik po japin llogari para prokurorëve të pavarur. Sipas kreut të qeverisë, nëse kushdo që thotë se kjo nuk është arritje e PS, thjesht nuk po thotë të vërtetën.
"Për herë të parë po ndodh që njerëz me pushtet politik thirren nga prokurorë të pavarur nga pushteti politik. Kush thotë se kjo s’ka lidhje me PS, nuk thotë të vërtetën, jemi unë dhe PS që e kemi sjellë këtë risi historike në jetën shqiptare. Që nga 1912, kur është ngritur flamuri pavarësisë dhe deri para pak ditësh në Shqipëri kurrë një person i lidhur me pushtetin politik nuk është hetuar dhe gjykuar nga një drejtësi e pavarur", tha kryeministri.
Ironizoi edhe listat e Sali Berishës me aleatët, duke thënë se mjafton të shikosh kandidatët e tyre në listë të mbyllur për të kuptuar që përfaqësojnë kënetën.
Gjatë rubrikës “Sy m’sy”, kryeministri Edi Rama tha se Shqipëria renditet në klasifikimet e Bashkimit Evropian për shërbimet dhe funksionalitetin e administratës publike. Kreu i qeverisë iu përgjigj një ndjekësi që i tha se institucionet e shtetit janë të mbushur me individë të nivelit somalian.
“Në fakt nuk fyhen somalianët fare, fyen veten tënde me këtë gjuhë, se nëse do ishte kështu të paktën minimalisht ne nuk do ishim gjëkundi në tryezë me BE-në. Për të hyrë në BE, dhe që ta dish ti BE ka jo një 1, 2, 3, 4 por dhjetëra persona që merren pikërisht me këto tema.
Një nga temat është monitorimi i funksionimit të administratës që do të thotë se po të jetë se do të kishte diçka të vërtetë në këtë që thua ne nuk do të ishim sot vendi me kalendarin e miratuar bashkarisht me Komisionin Evropian për mbyllur negociatat deri në 2027 dhe për t’u bërë anëtarë të BE-së. Nëse shikon raportet e bëra nga ekspertët e BE për funksionimin e administratës do shikosh që Shqipëria është në vendin e parë në rajon në klasifikim”, u shpreh Rama.
Në komunikimin me ndjekësit online, kryeministri Edi Rama foli edhe për reformën në drejtësi, për të cilën tha se PS e solli këtë risi historike në jetën shqiptare. Kreu i qeverisë u shpreh se për herë të parë persona të veshur me pushtet politik po thirren nga prokurorë të pavarur, ndërsa theksoi se ishte kjo qeveri që i dorëzoi shpatën drejtësisë së re.
“Korrupsioni në Shqipëri po luftohet. Për herë të parë po ndodh që njerëz me pushtet politik thirren nga prokurorë të pavarur nga pushteti politik. Kush thotë se kjo s’ka lidhje me PS, nuk thotë të vërtetën, jemi unë dhe PS që e kemi sjellë këtë risi historike në jetën shqiptare. Që nga 1912, kur është ngritur flamuri pavarësisë dhe deri para pak ditësh në Shqipëri kurrë një person i lidhur me pushtetin politik nuk është hetuar dhe gjykuar nga një drejtësi e pavarur. Në këtë zyrë gjendej shpata që duhet të rrijë gjithnjë në dorën e zonjës së drejtësisë. E kishte pushteti politik, ne e dorëzuam shpatën, ky është kulmi i vullnetit për të luftuar korrupsionin”, tha Rama.
Kryeministri Edi Rama në rubrikën e ‘Sy më sy’ i ka kthyer përgjigje komentuesve lidhur me deklaratat që kreu i qeverisë bën ndaj opozitës. Sipas Ramës mjafton të shikojmë se kush është në listën e mbyllur të 'Shqipërisë Madhështore' për të kuptuar, simbolikën e tij lidhur me kënetën.
"O Rame pse ofendon bufin?! Kur thua pse ofendoj bufin e vërtet. Shikoni unë ju vë përpara panoramën, me një metaforë, e kam bërë dhe herë të tjera. Unë nuk ja fare lloji I politikanit apo përfaqësuesi publik. Të them o hajdut, o maskara, o dorgagji, o ashtu, o kështu këto janë maskarallëqe, që çuditërisht një pjese të madhe nuk i bën përshtypje. Kur fjas në mënyrë metaforike apo simbolike më thonë që po ofendoj.
Nuk po ofendoj asnjëri unë po them realitetin, jemi përballë një kënete, ku mbretëron një buf kënete, ky është realiteti dhe për të kuptuar se çfarë kënete është ajo, të cilën do duhet ta gjykoni në 11 Maji, edhe që besoj se do t'iu mjaftojë për ta tharë, majftoni të shikoni listat e mbylluara, ato listat e mbyllura. Aty është këneta në listat e mbyllura." -tha Rama.
Kryeministri Edi Rama as mëngjesin e sotëm në rubrikën ‘Sy më sy’ nuk ka ndalur thirrjet dhe ironitë në raport me Partinë Demokratike. Kreu i qeverisë i ka bërë thirrje demokratëve për tu larguar nga këneta, sipas Ramës për të mirën e ‘shëndetit mendor’.
"Mos dëgjoni bufin e kënetës. Largohuni nga këneta, ikni nga këneta, braktisni kënetën. Këtë di tju them unë. Nuk po ju them ikni nga këneta dhe hajdeni në PS. Nuk po ja u kërkon njëri këtë gjë, por ikni nga këneta për shëndetin tuaj mendor dhe për shëndetin e arsyes tuaj. Kush rri në kënet rrjedh lajthit. Letohet kur thotë populli i Tiranës." -tha Rama
Kryeministri Edi Rama i është përgjigjur një komentuesi, i cili e quajti ‘O Rama’. Kryeministri i tha që të mos i drejtohet me ‘O Rame’, pasi kjo është ‘ekskluzivitet’ i Lulit, pasi laj-thaj, vetëm atë ka.
“E para, rrugët që kemi bërë edhe në zonën e Librazhdit janë shumë. Patjetër që ka ende rrugë për të bërë, por që të bëjmë më shumë rrugë na duhet ajo pasaporta. Në momentin që bëhemi anëtarë të BE, ne marrim buxhet ekstra. Nëse kemi marrë rreth 1 miliardë e ca gjithë këto vite, ne momentin që në bëhemi anëtarë marrim 1 miliardë e ca bë vit. A e kupton kur të them mos u merr me o Rame, O Rame. Me atë merret Luli, mos i merr edhe atë copyright që ka. Laj-thaj atë ka, o Rame. Mos u merr fare të pëlqen Rama, të pëlqen s’të pëlqen PS, Rama dhe PS janë në kohën e duhur dhe vendin e duhur që ti hapin rrugën ty dhe gjithë shqiptarëve”, tha Rama.
Gjatë bashkëbisedimi me ndjekësit në rrjete sociale kryeministrit Edi Rama i ndodhi një incident.
Bufi, me të cilin ironizon Berishën, ra nga tavolina ndërsa kryeministri vazhdoi me batuta.
“Ra bufi, shihni. Po ne nuk e lëmë ne të bjerë”, tha Rama ndërsa vijoi të fliste më pas për TikTok.
Kryeministri Edi Rama ditën e sotme ka folur në rubrikën ‘Sy më sy’, ku i është përgjigjur disa komenteve. Rama i është përgjigjur shkurtimisht disave prej tyre duke nisur nga pensionet.
Rama: Kemi thënë dhe e përsëris që pensionistët po marrin bonuse domëthënese dhe gradualisht ne do të çojmë pensionet në atë minimalen që sapo thashë.
Nga ana tjetër Rama i është përgjigjur edhe një komentuesi, pasi ai thotë se ‘është dembel’.
Rama: Ja pra që ekzistojnë dhe është një shumicë njerëzish dhe ajo shumica ekziston që ne na voton. Të gjitha mi kanë thënë po vetëm këtë dembel nuk më kanë thënë. Madje dhe Luli më ka thënë se rri zgjuar dhe bëj punë të liga.
Kryeministri Edi Rama thotë se vetëm ai dhe PS mund ta “kyçin” Shqipërinë në BE. Në komunikimin live me ndjekësit, kryeministri tha se askush tjetër nuk mund ta bëjë këtë gjë. Ai nuk kurseu edhe ironinë për Sali Berishën, duke thënë se ka rrjedhur por e ka prej moshës.
“Përveç faktit se kur hyjmë në BE, të të them që dil nga ai territor ku je ngujuar dhe shiko realitetin pak më ndryshe. Ka rrjedhur bufi i kënetës. Që është në rrjedhje duket qartë, por është çështje e moshës. Por them votoni për mua se vetëm unë dhe PS e bëjmë këtë hap të fundit për të kyçur Shqipërinë në BE. Kjo është e thjeshtë dhe e qartë. Nuk e bën dot askush tjetër, cilido tjetër minimalisht do të shkaktonte një shtyrje dhe vonesë dhe mbylljen e kësaj dere.”, tha Rama.
Komente
puna eshte qe te behet nje pasaporte per te qene, se si kjo pasaporte ka pasur qe ne kohen e Zogut.
PërgjigjuKy ofendon te gjithe te moshuarit. Ka rrjedhur thote ceshtje moshe..
PërgjigjuShqiptaret po i vendos ne rrezik ky vete, duke na bere te perdorim vpm. Sigurisht qe vpn (instrument qe perdoret per te anashkaluar diktatoret si radio me vale te shkurtra dikur) do e perdorin kur me nje vendim arbitrar eshte mbyllur nje platforme ku ne komunikojme, reklamojme, etj. Ndaj gkykata duhet te flase menjehere ... Por me sa duket e ka lene pas zgjedhjeve (qe eshte problemi real i mbylljes se tik tok)
PërgjigjuOfthalmo stus Ofthalous.
PërgjigjuPo 12 vjet ca ke bere per Europen apo ke hap 3 kapituj. Me rregull treshi te duhen 100 vjet ti hapesh te gjitha. Sot ti nuk genjen dot as patronazhistet.
PërgjigjuZoti i denofte ata qe ju japin voten ty,Saliut,Metes e krimineleve hajdute.
Përgjigju