Inter dhe Frosinone luajnë sot në 20:45 në Milano për javën e 12-të në Serie A. Nga ky duel trajneri i Kombëtares, Sylvinho ka marrë një lajm jo të mirë, me Kristjan Asllanin që është dëmtuar.
Mesfushori i Shqipërisë nuk figuron as në stolin e rezervave, teksa Simone Inzaghi ka preferuar Mkhitaryan dhe Calhanoglu para mbrojtjes. Mësohet se mesfushori kuqezi ka lodhje muskulore në kofshën e djathtë dhe është lënë në tribunë.
Kujtojmë se Kombëtarja luan dy ndeshje kyçe më 17 (Moldavi - Shqipëri) dhe 20 nëntor (Shqipëri - Ishujt Faroe) për Euro 2024 dhe Asllani është ndër pikat fikse të mesit të fushës për tanët.
Komento
Komente
