Komiteti i buxhetit i parlamentit gjerman miratoi të mërkurën një blerje prej 10 miliardë eurosh (10.50 miliardë dollarë) të avionëve luftarakë F-35 të prodhuar nga gjigandi amerikan i mbrojtjes Lockheed Martin, shkruan Reuters.
Është një nga projektet e para të mëdha të mbrojtjes ku Berlini do të përfitojë para nga një fond special prej 100 miliardë euro (106 miliardë dollarë) që kancelari Olaf Scholz njoftoi në një ndryshim të madh të politikës disa ditë pas pushtimit rus të Ukrainës në shkurt.
Paratë synojnë të rikthejnë në standard armët dhe pajisjet e Bundeswehr-it pas dekadave të dëmtimit pas përfundimit të Luftës së Ftohtë. Gjermania synon të blejë 35 avionë luftarakë F-35 në total, duke përfshirë raketa dhe armë dhe pajisje të tjera, me tetë avionët e parë që do të dorëzohen në vitin 2026.
Avioni amerikan do të zëvendësojë Tornado-n e vjetër, i vetmi avion gjerman i aftë të mbajë bomba bërthamore amerikane, të cilat ruhen në Gjermani për t'u përdorur në rast konflikti.
Komente
